బంగారం ధరలో భారీ జంప్.. తెలుగు రాష్ట్రాల్లో కొత్త రేట్లు ఇవే

బంగారం ధరలు గురువారం ఉదయం ఒక్కసారిగా భారీగా పెరిగాయి. పసిడి కొనుగోలుదారులకు షాకిస్తూ, 10 గ్రాముల 24 క్యారెట్ల బంగారం ధరపై ఏకంగా రూ. 2,900 మేర పెరుగుదల నమోదైంది. బుధవారం రూ. 1,39,910గా ఉన్న ధర, నేటి ఉదయానికి రూ. 1,42,810కి చేరుకుంది.

తాజా మార్కెట్ గణాంకాల ప్రకారం, హైదరాబాద్ బులియన్ మార్కెట్‌లో 10 గ్రాముల 22 క్యారెట్ల బంగారం ధర రూ. 1,30,910గా నమోదైంది. అదేవిధంగా, 18 క్యారెట్ల బంగారం ధర రూ. 1,07,110 వద్ద కొనసాగుతోంది. తెలుగు రాష్ట్రాల్లోని ప్రధాన నగరాలైన హైదరాబాద్, విజయవాడ, విశాఖపట్నం, వరంగల్, తిరుపతి, కాకినాడలలోనూ ఇవే ధరలు అమలవుతున్నాయి.

దేశంలోని ఇతర ప్రధాన నగరాల్లో సైతం పసిడి ధరలు దాదాపు ఇదే స్థాయిలో ఉన్నాయి. దేశ రాజధాని ఢిల్లీలో 10 గ్రాముల 24 క్యారెట్ల బంగారం ధర రూ. 1,42,960గా ఉండగా, చెన్నైలో రూ. 1,42,920గా నమోదైంది. ముంబై, బెంగళూరు, కోల్‌కతాలలో హైదరాబాద్ తరహాలోనే రూ. 1,42,810 వద్ద ధరలు స్థిరంగా కొనసాగుతున్నాయి.

అంతర్జాతీయ మార్కెట్ పరిస్థితులు, ద్రవ్యోల్బణం తదితర కారణాల రీత్యా బంగారం, వెండి ధరల్లో తరచుగా హెచ్చుతగ్గులు సంభవిస్తుంటాయి. ఈ నేపథ్యంలో, ఆభరణాల కొనుగోలుదారులు లావాదేవీలకు ముందుగా తాజా ధరలను ఒకసారి సరిచూసుకోవడం శ్రేయస్కరమని మార్కెట్ నిపుణులు సూచిస్తున్నారు.