జియో సంచలనం.. రూ. 15కే రోజంతా అన్‌లిమిటెడ్ 5G డేటా!

టెలికాం రంగంలో సంచలనాలకు మారుపేరైన రిలయన్స్ జియో, తన 5G యూజర్ల కోసం మరో ఆకర్షణీయమైన ఆఫర్‌ను అందుబాటులోకి తెచ్చింది. కేవలం రూ. 15 ధరతో సరికొత్త డేటా ప్యాక్‌ను పరిచయం చేసింది. ఈ ప్యాక్‌తో రీఛార్జ్ చేసుకున్న వినియోగదారులు 24 గంటల పాటు అపరిమిత హై-స్పీడ్ 5G డేటాను పొందవచ్చు.

ఒక్క రోజులో అధిక డేటా అవసరమయ్యే వారిని దృష్టిలో ఉంచుకొని జియో ఈ ప్యాక్‌ను రూపొందించింది. ముఖ్యంగా 4K వీడియో స్ట్రీమింగ్, ఆన్‌లైన్ గేమింగ్, క్లౌడ్ బ్యాకప్, హాట్‌స్పాట్ ద్వారా ఇతర డివైజ్‌లకు డేటా షేర్ చేయడం, పెద్ద ఫైల్స్ డౌన్‌లోడ్ చేసుకోవడం వంటి అవసరాలకు ఈ ప్లాన్ ఎంతగానో ఉపయోగపడుతుంది. దీని వ్యాలిడిటీ ఒక్క రోజు మాత్రమే ఉంటుంది.

అయితే, ఈ ఆఫర్‌ను వినియోగించుకోవాలంటే కొన్ని షరతులు వర్తిస్తాయి. యూజర్ల వద్ద తప్పనిసరిగా 5G స్మార్ట్‌ఫోన్ ఉండాలి. అలాగే, వారు జియో ట్రూ 5G కవరేజ్ ఉన్న ప్రాంతంలో నివసిస్తూ ఉండాలి. వినియోగదారుడి ప్రస్తుత బేస్ ప్లాన్‌ను బట్టి కూడా ఈ ప్యాక్ అర్హత ఆధారపడి ఉంటుందని కంపెనీ తెలిపింది. దేశవ్యాప్తంగా అన్ని టెలికాం సర్కిళ్లలో అందుబాటులో ఉన్న ఈ ప్యాక్‌ను MyJio యాప్, Jio.com వెబ్‌సైట్, రిటైల్ స్టోర్లు, ఇతర థర్డ్-పార్టీ ప్లాట్‌ఫారమ్‌ల ద్వారా సులభంగా రీఛార్జ్ చేసుకోవచ్చు.