నగరి ఏకగ్రీవంపై జిల్లా కలెక్టర్‌కు రోజా ఫిర్యాదు

నగరి మున్సిపల్ ఛైర్మన్ పదవి ఏకగ్రీవం కావడంపై మాజీ మంత్రి, వైసీపీ నేత ఆర్కే రోజా తీవ్రంగా స్పందించారు. ఈ వ్యవహారంపై ఆమె జిల్లా కలెక్టర్, ఎన్నికల అధికారి సుమిత్ కుమార్‌ను కలిసి ఫిర్యాదు చేశారు. నగరిలో ఎన్నికల ప్రక్రియను అడ్డుకున్న అధికారులపై కఠిన చర్యలు తీసుకోవాలని డిమాండ్ చేశారు.

ఈ సందర్భంగా రోజా మాట్లాడుతూ... నగరి మున్సిపాలిటీ ఎన్నికల అధికారి, మున్సిపల్ కమిషనర్, రిటర్నింగ్ అధికారిపై వెంటనే క్రిమినల్ కేసు నమోదు చేసి, వారిని సస్పెండ్ చేయాలని కోరారు. వైసీపీ ఛైర్మన్ అభ్యర్థి బాలకృష్ణన్ హైకోర్టులో దాఖలు చేసిన హౌస్ మోషన్ పిటిషన్ కాపీని ఆమె కలెక్టర్‌కు అందజేశారు. ఫారం-4లో తమ అభ్యర్థి పేరును చేర్చి, నగరి మున్సిపాలిటీకి నిబంధనల ప్రకారం ఎన్నికలు నిర్వహించాలని విజ్ఞప్తి చేశారు.

నగరిలో వైసీపీ నుంచి వచ్చిన నామినేషన్ పత్రాలను రిటర్నింగ్ అధికారి తిరస్కరించడంతో బరిలో మిగిలిన టీడీపీ ఏకగ్రీవం అయిన సంగతి తెలిసిందే.