కారంతో ప్రపంచాన్ని షేక్ చేసిన భారత మిరపకాయ.. ఒకప్పుడు గిన్నిస్ రికార్డు కూడా!
- భుట్ జోలోకియా ఒకప్పుడు ప్రపంచంలోనే ఘాటైన మిరపకాయ
- 2007లో 10,01,304 ఎస్హెచ్యూ ఘాటు నమోదు
- గిన్నిస్ వరల్డ్ రికార్డ్స్లో గుర్తింపు
- అసోం, నాగాలాండ్తో దీనికి బలమైన అనుబంధం
- నాగాలాండ్ పెరెన్ జిల్లాలో దీనికి జీఐ ట్యాగ్
మిరపకాయ అంటేనే ఘాటు. కానీ ఈ మిరపకాయ ముందు మిగతావన్నీ కాస్త వెనక్కి తగ్గాల్సిందే. చిన్నగా, ముడతలతో కనిపించే ఈ మిరపకాయ ఒక్కసారి వంటలో పడితే చాలు.. దాని ఘాటు వెంటనే తెలిసిపోతుంది. ఈశాన్య భారతానికి చెందిన ‘భుట్ జోలోకియా’ ఒకప్పుడు ప్రపంచంలోనే అత్యంత ఘాటైన మిరపకాయగా గిన్నిస్ వరల్డ్ రికార్డుల్లో చోటు సంపాదించింది.
మిలియన్ దాటిన ఘాటు
భుట్ జోలోకియాను ఘోస్ట్ పెప్పర్, నాగ జోలోకియా పేర్లతోనూ పిలుస్తారు. 2007లో దీని ఘాటు ఏకంగా 10,01,304 స్కోవిల్ హీట్ యూనిట్స్ (SHU)గా నమోదైంది. దీంతో గిన్నిస్ వరల్డ్ రికార్డ్స్ దీనిని ప్రపంచంలోనే అత్యంత ఘాటైన మిరపకాయగా గుర్తించింది. న్యూ మెక్సికో స్టేట్ యూనివర్సిటీలోని చిలీ పెప్పర్ ఇన్స్టిట్యూట్ శాస్త్రవేత్త పాల్ బోస్లాండ్ బృందం ఈ పరీక్షలు నిర్వహించింది. రెండు స్వతంత్ర ప్రయోగశాలలు ఫలితాలను ధ్రువీకరించాయి.
జలపెనోతో పోలిస్తే..
మిరపకాయల్లో ఉండే క్యాప్సైసిన్ వల్లే ఘాటు వస్తుంది. దాని పరిమాణాన్ని బట్టి స్కోవిల్ స్కేల్లో ఘాటు స్థాయిని నిర్ణయిస్తారు. సాధారణ జలపెనోలో కొన్ని వేల ఎస్హెచ్యూ మాత్రమే ఉంటాయి. భుట్ జోలోకియా మాత్రం పది లక్షల ఎస్హెచ్యూ మార్కును దాటింది. అందుకే దీని ఘాటు సాధారణ మిరపకాయలతో పోల్చలేనంత తీవ్రంగా ఉంటుంది.
ఈశాన్య భారతంతో విడదీయలేని బంధం
భుట్ జోలోకియా భారత ఈశాన్య ప్రాంతానికి చెందిన మిరపకాయ. ముఖ్యంగా అసోంతో దీనికి బలమైన అనుబంధం ఉంది. నాగాలాండ్లోనూ విస్తృతంగా సాగు చేస్తారు. నాగ కింగ్ చిలీ పేరుతో పిలిచే ఈ మిరపకాయకు నాగాలాండ్లోని పెరెన్ జిల్లాకు జీఐ ట్యాగ్ కూడా ఉంది.
చట్నీ నుంచి మాంసాహార వంటకాల వరకు
ఘాటు ఎక్కువైనా భుట్ జోలోకియా కేవలం రికార్డు కోసం పెంచే మిరపకాయ కాదు. ఈశాన్య ప్రాంత వంటకాల్లో దీనికి ప్రత్యేక స్థానం ఉంది. చట్నీలు, ఊరగాయలు, మసాలా పేస్టులు, మాంసాహార వంటకాల్లో ఉపయోగిస్తారు. ఘాటు తీవ్రంగా ఉండటంతో కొద్దిగా వేసినా వంట రుచిలో భారీ మార్పు కనిపిస్తుంది.
తర్వాత మరికొన్ని మిరపకాయలు భుట్ జోలోకియాను మించి ఘాటు రికార్డులు సాధించాయి. అయినా భారతీయ మిరపకాయలకు ప్రపంచస్థాయి గుర్తింపు తీసుకొచ్చిన ఘాటు రుచిగా భుట్ జోలోకియా ప్రత్యేక స్థానాన్ని నిలబెట్టుకుంది.
మిలియన్ దాటిన ఘాటు
భుట్ జోలోకియాను ఘోస్ట్ పెప్పర్, నాగ జోలోకియా పేర్లతోనూ పిలుస్తారు. 2007లో దీని ఘాటు ఏకంగా 10,01,304 స్కోవిల్ హీట్ యూనిట్స్ (SHU)గా నమోదైంది. దీంతో గిన్నిస్ వరల్డ్ రికార్డ్స్ దీనిని ప్రపంచంలోనే అత్యంత ఘాటైన మిరపకాయగా గుర్తించింది. న్యూ మెక్సికో స్టేట్ యూనివర్సిటీలోని చిలీ పెప్పర్ ఇన్స్టిట్యూట్ శాస్త్రవేత్త పాల్ బోస్లాండ్ బృందం ఈ పరీక్షలు నిర్వహించింది. రెండు స్వతంత్ర ప్రయోగశాలలు ఫలితాలను ధ్రువీకరించాయి.
జలపెనోతో పోలిస్తే..
మిరపకాయల్లో ఉండే క్యాప్సైసిన్ వల్లే ఘాటు వస్తుంది. దాని పరిమాణాన్ని బట్టి స్కోవిల్ స్కేల్లో ఘాటు స్థాయిని నిర్ణయిస్తారు. సాధారణ జలపెనోలో కొన్ని వేల ఎస్హెచ్యూ మాత్రమే ఉంటాయి. భుట్ జోలోకియా మాత్రం పది లక్షల ఎస్హెచ్యూ మార్కును దాటింది. అందుకే దీని ఘాటు సాధారణ మిరపకాయలతో పోల్చలేనంత తీవ్రంగా ఉంటుంది.
ఈశాన్య భారతంతో విడదీయలేని బంధం
భుట్ జోలోకియా భారత ఈశాన్య ప్రాంతానికి చెందిన మిరపకాయ. ముఖ్యంగా అసోంతో దీనికి బలమైన అనుబంధం ఉంది. నాగాలాండ్లోనూ విస్తృతంగా సాగు చేస్తారు. నాగ కింగ్ చిలీ పేరుతో పిలిచే ఈ మిరపకాయకు నాగాలాండ్లోని పెరెన్ జిల్లాకు జీఐ ట్యాగ్ కూడా ఉంది.
చట్నీ నుంచి మాంసాహార వంటకాల వరకు
ఘాటు ఎక్కువైనా భుట్ జోలోకియా కేవలం రికార్డు కోసం పెంచే మిరపకాయ కాదు. ఈశాన్య ప్రాంత వంటకాల్లో దీనికి ప్రత్యేక స్థానం ఉంది. చట్నీలు, ఊరగాయలు, మసాలా పేస్టులు, మాంసాహార వంటకాల్లో ఉపయోగిస్తారు. ఘాటు తీవ్రంగా ఉండటంతో కొద్దిగా వేసినా వంట రుచిలో భారీ మార్పు కనిపిస్తుంది.
తర్వాత మరికొన్ని మిరపకాయలు భుట్ జోలోకియాను మించి ఘాటు రికార్డులు సాధించాయి. అయినా భారతీయ మిరపకాయలకు ప్రపంచస్థాయి గుర్తింపు తీసుకొచ్చిన ఘాటు రుచిగా భుట్ జోలోకియా ప్రత్యేక స్థానాన్ని నిలబెట్టుకుంది.
