ప్రపంచ యూత్ ఆర్చరీ.. భారత్కు స్వర్ణం
- ప్రపంచ యూత్ ఆర్చరీలో భారత బాలికల జట్టు జయకేతనం
- ఫైనల్లో ఆతిథ్య దక్షిణ కొరియాపై 5-3 తేడాతో విజయం
- జట్టులో కీలకపాత్ర పోషించిన తెలుగు తేజం యుక్తశ్రీ
- విజేతలను అభినందించిన ఏపీ ఆర్చరీ అసోసియేషన్
అంతర్జాతీయ వేదికపై భారత యువ ఆర్చర్లు మరోసారి విజయకేతనం ఎగురవేశారు. దక్షిణ కొరియాలోని ఇంచియాన్లో నిర్వహించిన 'ప్రపంచ ఆర్చరీ కేఏఏ యూత్ ఇన్విటేషనల్ 2024' టోర్నమెంట్లో భారత రికర్వ్ బాలికల జట్టు స్వర్ణ పతకాన్ని కైవసం చేసుకుంది. ఆగస్టు 10 నుంచి 14 వరకు జరిగిన ఈ పోటీల్లో భారత అమ్మాయిలు అద్భుత ప్రదర్శనతో ఆకట్టుకున్నారు.
ఫైనల్ పోరులో కొండపావులూరి యుక్తశ్రీ, కృషి కుమావత్, ప్రజల్ తోలియాలతో కూడిన భారత జట్టు, ఆతిథ్య దక్షిణ కొరియా జట్టును ఢీకొట్టింది. ఉత్కంఠభరితంగా సాగిన ఈ మ్యాచ్లో భారత జట్టు 5-3 తేడాతో కొరియాపై ఘనవిజయం సాధించి పసిడి పతకాన్ని ముద్దాడింది. ఈ విజయంలో ఆంధ్రప్రదేశ్కు చెందిన యుక్తశ్రీ కీలక పాత్ర పోషించడంతో రాష్ట్రవ్యాప్తంగా హర్షం వ్యక్తమవుతోంది.
ఈ సందర్భంగా శాప్ ఛైర్మన్ ఎ. రవినాయుడు, ఆంధ్రప్రదేశ్ ఆర్చరీ అసోసియేషన్ అధ్యక్షురాలు నందమూరి తేజస్విని, ఛైర్మన్ చెరుకూరి సత్యనారాయణ, ప్రధాన కార్యదర్శి బి.వి.రమణ తదితరులు జట్టును అభినందించారు. ప్రస్తుతం భారత సీనియర్ విభాగంలో టాప్-8 ప్రాబబుల్ ఆర్చర్లలో ఒకరిగా కొనసాగుతున్న యుక్తశ్రీ ప్రతిభను వారు కొనియాడారు. ఆమె ఉన్నతికి కృషి చేసిన తల్లిదండ్రులను, కోచ్లను ఈ సందర్భంగా వారు ప్రత్యేకంగా ప్రశంసించారు.
ఫైనల్ పోరులో కొండపావులూరి యుక్తశ్రీ, కృషి కుమావత్, ప్రజల్ తోలియాలతో కూడిన భారత జట్టు, ఆతిథ్య దక్షిణ కొరియా జట్టును ఢీకొట్టింది. ఉత్కంఠభరితంగా సాగిన ఈ మ్యాచ్లో భారత జట్టు 5-3 తేడాతో కొరియాపై ఘనవిజయం సాధించి పసిడి పతకాన్ని ముద్దాడింది. ఈ విజయంలో ఆంధ్రప్రదేశ్కు చెందిన యుక్తశ్రీ కీలక పాత్ర పోషించడంతో రాష్ట్రవ్యాప్తంగా హర్షం వ్యక్తమవుతోంది.
ఈ సందర్భంగా శాప్ ఛైర్మన్ ఎ. రవినాయుడు, ఆంధ్రప్రదేశ్ ఆర్చరీ అసోసియేషన్ అధ్యక్షురాలు నందమూరి తేజస్విని, ఛైర్మన్ చెరుకూరి సత్యనారాయణ, ప్రధాన కార్యదర్శి బి.వి.రమణ తదితరులు జట్టును అభినందించారు. ప్రస్తుతం భారత సీనియర్ విభాగంలో టాప్-8 ప్రాబబుల్ ఆర్చర్లలో ఒకరిగా కొనసాగుతున్న యుక్తశ్రీ ప్రతిభను వారు కొనియాడారు. ఆమె ఉన్నతికి కృషి చేసిన తల్లిదండ్రులను, కోచ్లను ఈ సందర్భంగా వారు ప్రత్యేకంగా ప్రశంసించారు.
