వ్యవస్థతో ప్రేమతో పోరాడండి.. విద్యార్థులకు రాహుల్ గాంధీ పిలుపు
- వ్యవస్థతో ద్వేషంతో కాదు, ప్రేమతో పోరాడాలన్న రాహుల్ గాంధీ
- దేశంలో తీవ్ర ఉద్యోగ సంక్షోభం ఉందని ఆందోళన
- సంస్థలన్నింటినీ ఒకే పార్టీ గుప్పిట్లో పెట్టుకుందని ఆరోపణ
- రాహుల్ దృష్టికి తమ సమస్యలను తీసుకెళ్లిన విద్యార్థులు
- దేశంలో 'మొహబ్బత్ కీ దుకాణ్' తెరవాలని యువతకు పిలుపు
దేశంలోని వ్యవస్థలో మార్పు కోసం ద్వేషంతో కాకుండా ప్రేమతో పోరాడాలని కాంగ్రెస్ అగ్రనేత రాహుల్ గాంధీ యువతకు పిలుపునిచ్చారు. దేశంలో ఉద్యోగ అవకాశాలు కనుమరుగయ్యాయని, కీలక రాజ్యాంగబద్ధ సంస్థలను ఒకే పార్టీ తన గుప్పిట్లో పెట్టుకుందని ఆయన తీవ్ర ఆరోపణలు చేశారు. శనివారం ప్రయాగ్రాజ్లోని కేపీ గ్రౌండ్లో జరిగిన 'ఛాత్రోం కీ గూంజ్' (విద్యార్థుల గళం) కార్యక్రమంలో విద్యార్థులతో ఆయన ముఖాముఖి నిర్వహించారు.
ఈ సందర్భంగా రాహుల్ గాంధీ మాట్లాడుతూ.. "ఏ విద్యార్థి హృదయంలోనూ ద్వేషం ఉండకూడదు, కేవలం ప్రేమ మాత్రమే నిండి ఉండాలి. మనం ప్రేమ, ఆప్యాయతలతోనే వ్యవస్థను ప్రక్షాళన చేయాలి" అని పేర్కొన్నారు. దేశవ్యాప్తంగా 'మొహబ్బత్ కీ దుకాణ్' (ప్రేమ దుకాణం) తెరవాలని యువతకు దిశానిర్దేశం చేశారు. విద్యార్థులు ఎంతో కష్టపడి, వ్యయ ప్రయాసలకోర్చి చదువుకున్నా ఉద్యోగ అవకాశాలు లభించకపోవడంపై ఆయన ఆవేదన వ్యక్తం చేశారు. జీఎస్టీ, నోట్ల రద్దు వంటి నిర్ణయాల ఫలితంగా 'మేడ్ ఇన్ ఇండియా' అన్నది ఎక్కడా కనిపించడం లేదని, మార్కెట్లో కేవలం చైనా, వియత్నాం ఉత్పత్తులే రాజ్యమేలుతున్నాయని విమర్శించారు.
ఒకప్పుడు రూ. 150 కోట్ల నిధులు కలిగిన ఒక రాజకీయ పార్టీకి ఇప్పుడు రూ. 10,000 కోట్లకు పైగా నిధులు చేరాయని, ఆర్ఎస్ఎస్ భావజాలం ఉన్నవారిని వైస్-ఛాన్సలర్లుగా నియమిస్తూ విశ్వవిద్యాలయాలను, ఇతర కీలక సంస్థలను తమ గుప్పిట్లోకి తీసుకుంటున్నారని రాహుల్ ఆరోపించారు.
ఈ కార్యక్రమంలో పలువురు విద్యార్థులు తాము ఎదుర్కొంటున్న సమస్యలను రాహుల్ దృష్టికి తీసుకెళ్లారు. అలహాబాద్ యూనివర్సిటీ లైబ్రరీ వర్షపు నీటిలో మునిగిపోతోందని, దీనిపై నిరసన వ్యక్తం చేస్తే దాడులు చేస్తూ తప్పుడు కేసులు బనాయిస్తున్నారని ఓ న్యాయశాస్త్ర విద్యార్థి ఆయనకు వివరించారు. యూపీపీఎస్సీ పరీక్షల్లో 'నార్మలైజేషన్' ప్రక్రియపై కొందరు, 2018 నుంచి ఉపాధ్యాయ నియామకాలు పూర్తి కాకపోవడంపై మరికొందరు తమ గోడును వెళ్లబోసుకున్నారు. విద్యార్థులు వివరించిన సమస్యలను ఓపికగా విన్న రాహుల్ గాంధీ, నిర్మాణాత్మక పోరాటం ద్వారానే లక్ష్యాలను సాధించవచ్చని వారికి సూచించారు.
ఈ సందర్భంగా రాహుల్ గాంధీ మాట్లాడుతూ.. "ఏ విద్యార్థి హృదయంలోనూ ద్వేషం ఉండకూడదు, కేవలం ప్రేమ మాత్రమే నిండి ఉండాలి. మనం ప్రేమ, ఆప్యాయతలతోనే వ్యవస్థను ప్రక్షాళన చేయాలి" అని పేర్కొన్నారు. దేశవ్యాప్తంగా 'మొహబ్బత్ కీ దుకాణ్' (ప్రేమ దుకాణం) తెరవాలని యువతకు దిశానిర్దేశం చేశారు. విద్యార్థులు ఎంతో కష్టపడి, వ్యయ ప్రయాసలకోర్చి చదువుకున్నా ఉద్యోగ అవకాశాలు లభించకపోవడంపై ఆయన ఆవేదన వ్యక్తం చేశారు. జీఎస్టీ, నోట్ల రద్దు వంటి నిర్ణయాల ఫలితంగా 'మేడ్ ఇన్ ఇండియా' అన్నది ఎక్కడా కనిపించడం లేదని, మార్కెట్లో కేవలం చైనా, వియత్నాం ఉత్పత్తులే రాజ్యమేలుతున్నాయని విమర్శించారు.
ఒకప్పుడు రూ. 150 కోట్ల నిధులు కలిగిన ఒక రాజకీయ పార్టీకి ఇప్పుడు రూ. 10,000 కోట్లకు పైగా నిధులు చేరాయని, ఆర్ఎస్ఎస్ భావజాలం ఉన్నవారిని వైస్-ఛాన్సలర్లుగా నియమిస్తూ విశ్వవిద్యాలయాలను, ఇతర కీలక సంస్థలను తమ గుప్పిట్లోకి తీసుకుంటున్నారని రాహుల్ ఆరోపించారు.
ఈ కార్యక్రమంలో పలువురు విద్యార్థులు తాము ఎదుర్కొంటున్న సమస్యలను రాహుల్ దృష్టికి తీసుకెళ్లారు. అలహాబాద్ యూనివర్సిటీ లైబ్రరీ వర్షపు నీటిలో మునిగిపోతోందని, దీనిపై నిరసన వ్యక్తం చేస్తే దాడులు చేస్తూ తప్పుడు కేసులు బనాయిస్తున్నారని ఓ న్యాయశాస్త్ర విద్యార్థి ఆయనకు వివరించారు. యూపీపీఎస్సీ పరీక్షల్లో 'నార్మలైజేషన్' ప్రక్రియపై కొందరు, 2018 నుంచి ఉపాధ్యాయ నియామకాలు పూర్తి కాకపోవడంపై మరికొందరు తమ గోడును వెళ్లబోసుకున్నారు. విద్యార్థులు వివరించిన సమస్యలను ఓపికగా విన్న రాహుల్ గాంధీ, నిర్మాణాత్మక పోరాటం ద్వారానే లక్ష్యాలను సాధించవచ్చని వారికి సూచించారు.
