కియా కార్లపై భారీ ఆఫర్లు.. రూ.1 లక్ష వరకు ప్రయోజనం!

స్వాతంత్ర్య దినోత్సవం సందర్భంగా కియా ఇండియా ఆగస్టు నెల ఆఫర్లను ప్రకటించింది. సోనెట్‌, సిరోస్‌, సెల్టోస్‌, కరెన్స్‌ క్లావిస్‌, కార్నివాల్‌ మోడళ్లపై పలు రకాల ప్రయోజనాలు అందిస్తోంది. క్యాష్‌ డిస్కౌంట్‌, ఎక్స్ఛేంజ్‌ బోనస్‌, స్క్రాపేజ్‌ ప్రయోజనం, కార్పొరేట్‌, లాయల్టీ బోనస్‌ ఇందులో ఉన్నాయి. గరిష్ఠంగా కార్నివాల్‌పై రూ.లక్ష వరకు ప్రయోజనం లభిస్తోంది.

సోనెట్‌ 1.2 హెచ్‌టీఎక్స్‌(ఓ) వేరియంట్‌పై రూ.10 వేల క్యాష్‌ డిస్కౌంట్‌ ఉంది. రూ.20 వేల ఎక్స్ఛేంజ్‌ బోనస్‌, రూ.15 వేల స్క్రాపేజ్‌ ప్రయోజనం, రూ.15 వేల వరకు కార్పొరేట్‌ బెనిఫిట్‌ కూడా ఉన్నాయి. డీలర్‌ ఆఫర్లు అదనం.

పెట్రోల్‌ సిరోస్‌పై రూ.10 వేల క్యాష్‌ డిస్కౌంట్‌, రూ.20 వేల ఎక్స్ఛేంజ్‌ బోనస్‌, రూ.20 వేల స్క్రాపేజ్‌ ప్రయోజనం, రూ.15 వేల కార్పొరేట్‌ బెనిఫిట్‌ అందిస్తున్నారు. సిరోస్‌ ఈవీపై ప్రస్తుతం ఎలాంటి డిస్కౌంట్‌ లేదు.

సెల్టోస్‌పై రూ.20 వేల లాయల్టీ బోనస్‌, రూ.20 వేల కార్పొరేట్‌ బెనిఫిట్‌ ఉన్నాయి. కరెన్స్‌ క్లావిస్‌ టర్బోపై రూ.10 వేల క్యాష్‌ డిస్కౌంట్‌, రూ.30 వేల ఎక్స్ఛేంజ్‌ బోనస్‌, రూ.20 వేల లాయల్టీ బోనస్‌, రూ.20 వేల స్క్రాపేజ్‌ ప్రయోజనం, రూ.15 వేల కార్పొరేట్‌ బెనిఫిట్‌ లభిస్తున్నాయి.

కరెన్స్‌ క్లావిస్‌ ఈవీపై రూ.20 వేల క్యాష్‌ డిస్కౌంట్‌, రూ.20 వేల ఎక్స్ఛేంజ్‌ బోనస్‌, రూ.20 వేల లాయల్టీ బోనస్‌, రూ.20 వేల స్క్రాపేజ్‌ ప్రయోజనం, రూ.15 వేల కార్పొరేట్‌ బెనిఫిట్‌ ఉన్నాయి.

కార్నివాల్‌పై అత్యధికంగా రూ.1 లక్ష ఎక్స్ఛేంజ్‌ బోనస్‌ ఉంది. దీనికి అదనంగా రూ.50 వేల కార్పొరేట్‌, స్క్రాపేజ్‌ ప్రయోజనాలు అందిస్తున్నారు. ఈ ఆఫర్లు ఎంపిక చేసిన 2026 మోడల్‌ వేరియంట్లకు మాత్రమే వర్తిస్తాయి. నగరం, డీలర్‌, స్టాక్‌ను బట్టి ప్రయోజనాల్లో మార్పులు ఉండొచ్చు.