గ్లోబల్ మార్కెట్లో భారత విస్కీ హవా.. స్కాచ్కు దీటైన పోటీ!
- దేశంలోని ఉష్ణమండల వాతావరణంతోనే మన విస్కీకి ప్రత్యేకమైన రుచి, నాణ్యత
- స్కాచ్కు ప్రత్యామ్నాయం కాదు, దీటైన పోటీదారుగా గుర్తింపు
- దేశీయ బ్రాండ్లు నాణ్యతతో అంతర్జాతీయంగా దూకుడు
- వినియోగదారుల దేశం నుంచి నాణ్యమైన ఉత్పత్తిదారుగా భారత్ పరిణామం
భారత విస్కీల విశిష్టతకు ఇక్కడి ఉష్ణమండల వాతావరణమే ప్రధాన కారణం. గోవా వంటి వేడి, తేమతో కూడిన ప్రాంతాల్లో ఓక్ పీపాల్లో నిల్వ ఉంచినప్పుడు విస్కీ చాలా వేగంగా పరిపక్వత చెందుతుంది. దీనివల్ల స్కాట్లాండ్ వంటి చల్లని ప్రాంతాల్లో తయారయ్యే విస్కీల కంటే భిన్నంగా, గాఢమైన పండ్ల సువాసనలతో ప్రత్యేకమైన రుచిని సంతరించుకుంటుంది.
హిమాలయాల దిగువన పండే బార్లీని ఉపయోగించి, ఇతర దేశాల శైలులను అనుకరించకుండా, పూర్తిగా దేశీయ పద్ధతిలో ఇండియన్ బ్రాండ్ విస్కీలు తయారుచేస్తున్నారు.
ప్రస్తుతం వినియోగదారులు ప్రామాణికమైన, ప్రాంతీయ నేపథ్యం ఉన్న ఉత్పత్తుల వైపు మొగ్గు చూపుతున్నారు. జపనీస్ విస్కీలు ఎలాగైతే ఆ దేశ ఖ్యాతిని పెంచాయో, ఇప్పుడు భారత సింగిల్ మాల్ట్లు కూడా అదే పని చేస్తున్నాయి. కేవలం అతిపెద్ద వినియోగదారుల మార్కెట్గానే కాకుండా, నాణ్యమైన, విలాసవంతమైన ఉత్పత్తులను తయారుచేసే దేశంగా భారత్కు గుర్తింపు తెస్తున్నాయి. భారతీయ విస్కీలు ఒక నిర్ణయాత్మక శకంలోకి ప్రవేశిస్తున్నాయని, భవిష్యత్తులో ప్రామాణికతే కీలక పాత్ర పోషిస్తుందని నిపుణులు అభిప్రాయపడుతున్నారు.
