రామ్ చరణ్ ప్రేమకు పరీక్ష పెట్టిన ఉపాసన!

గ్లోబల్ స్టార్ రామ్ చరణ్‌తో తన ప్రేమ ప్రయాణం తొలినాళ్లలో, ఆయన ప్రేమను పరీక్షించడానికి తాను ఒక చిన్న పరీక్ష పెట్టానని ఆయన భార్య, ప్రముఖ వ్యాపారవేత్త ఉపాసన కొణిదెల వెల్లడించారు. అప్పటికే స్టార్‌గా ఎదుగుతున్న చరణ్‌తో బయటకు వెళ్లడం ఒక సవాలు అని, ఆ సమయంలో తన ప్రేమను నిరూపించుకున్నాడని ఆమె గుర్తుచేసుకున్నారు.

గతంలో 'కర్లీ టేల్స్' అనే యూట్యూబ్ ఛానెల్‌కు ఇచ్చిన ఇంటర్వ్యూలో ఉపాసన ఈ విషయాలు పంచుకోగా, ఆ వీడియో ఇప్పుడు మళ్లీ వైరల్ అవుతోంది. ఆ ఇంటర్వ్యూలో ఉపాసన మాట్లాడుతూ.. "అప్పుడు చరణ్‌కు స్టార్‌డమ్ పెరుగుతున్న రోజులు. హైదరాబాద్‌లోని ఓ రద్దీ మార్కెట్‌లో ఉన్న ఫేమస్ ఐస్‌క్రీమ్ పార్లర్‌కు నన్ను ఐస్‌క్రీమ్ డేట్‌కు తీసుకెళ్లమని అడిగాను. అది నిజంగా అతడి ప్రేమకు పెట్టిన పరీక్ష" అని తెలిపారు.

"నిజంగానే రామ్ చరణ్ వచ్చాడు. మేమిద్దరం అక్కడికి వెళ్లి ఐస్‌క్రీమ్ ఆర్డర్ చేశాం. ఆ తర్వాత జనం మా కారు డోర్లను బాదడం మొదలుపెట్టారు. ఆ పరీక్షలో చరణ్ అద్భుతంగా నెగ్గాడు" అని ఉపాసన గుర్తుచేసుకున్నారు. తమది కాలేజీ రోజుల నుంచి స్నేహమని, తమ బంధంలో నాటకీయమైన, ఫిల్మీ మలుపులు ఏవీ లేవని ఆమె స్పష్టం చేశారు.

చిన్ననాటి స్నేహితులైన చరణ్, ఉపాసన 'మగధీర' (2009) సినిమా సమయంలో ప్రేమలో పడ్డారు. 2012లో వివాహం చేసుకున్న ఈ జంట, ఈ నెలలోనే తమ 14వ వివాహ వార్షికోత్సవాన్ని జరుపుకున్నారు. వీరికి 2023లో క్లీంకార, ఈ ఏడాది జనవరిలో శివరామ్, అన్వీర దేవి అనే కవలలు జన్మించారు.