భర్త లేట్ నైట్స్.. ఆఫీస్కు వెళ్లిన భార్యకు బాస్ చెప్పిన షాకింగ్ నిజం!
- భర్త లేట్ నైట్స్ పై బాస్ను నిలదీసిన నవ వధువు
- ఆఫీస్లో మీటింగ్స్ లేవని, మహిళా కొలీగ్ ఇంటికి వెళ్తున్నాడని చెప్పిన బాస్
- అందరి ముందే భర్తను నిలదీసి అవమానించిన భార్య
- "నా జీవితాన్ని నాశనం చేశావ్" అంటూ కన్నీటితో వెనుదిరిగిన భార్య
- సోషల్ మీడియాలో వైరల్ అయిన ఘటన, నెటిజన్ల మధ్య తీవ్ర చర్చ
వివరాల్లోకి వెళితే, "@కంట్రీగుల్షన్" అనే ఎక్స్ యూజర్ షేర్ చేసిన పోస్ట్ ప్రకారం.. కొత్తగా పెళ్లైన ఓ యువతి, తన భర్త తరచూ ఆలస్యంగా ఇంటికి రావడంపై విసిగిపోయింది.
ఓ రోజు నేరుగా అతని ఆఫీస్కు వెళ్లి, "నా భర్త ఎక్కడ? పగలంతా పనిచేసి, రాత్రి పూట మీటింగ్లని పిలుస్తున్నారు" అని బాస్పై ఆగ్రహం వ్యక్తం చేసింది. ఆమె మాటలతో ఆశ్చర్యపోయిన బాస్, తాము ఎలాంటి రాత్రిపూట మీటింగ్లు నిర్వహించడం లేదని స్పష్టం చేశాడు. అంతేకాదు, ఆమె భర్త ఆఫీస్లోని ఓ మహిళా మేనేజర్ ఇంటికి వెళుతున్నాడన్న నిజాన్ని బయటపెట్టాడు.
ఈ విషయం తెలిసిన భార్య తీవ్ర ఆగ్రహానికి గురై, అందరి ముందే భర్తను నిలదీసి అవమానించింది. ఆ తర్వాత బాస్ ఆమెను ఇంటికి పంపించగా, "నా జీవితాన్ని నాశనం చేశావ్" అంటూ కన్నీళ్లతో అక్కడి నుంచి వెళ్లిపోయింది. ఈ ఘటన ఆఫీస్లోని వారందరినీ దిగ్భ్రాంతికి గురిచేసింది.
ఈ పోస్ట్ ఆన్లైన్లో విపరీతంగా వైరల్ అవ్వడంతో, నెటిజన్ల మధ్య తీవ్ర చర్చ మొదలైంది. విశ్వాసఘాతుకం, పెద్దలు కుదిర్చిన పెళ్లిళ్లలో నమ్మకం, ఆధునిక సంబంధాల్లోని సవాళ్లపై భిన్నాభిప్రాయాలు వ్యక్తమయ్యాయి. ఈ మేరకు న్యూస్ 18 ఓ కథనం వెలువరించింది.
