Siddaramaiah: కర్ణాటక కాంగ్రెస్లో కలకలం.. 25 మంది ఎమ్మెల్యేల రహస్య భేటీ!
- పార్టీ ప్రతిష్ఠ దెబ్బతింటోందని ఎమ్మెల్యేల ఆందోళన
- సీఎల్పీ సమావేశానికి 50 మందికి పైగా ఎమ్మెల్యేల గైర్హాజరు
- సీఎం మార్పు ఊహాగానాలు.. తెరపైకి డీకే శివకుమార్ పేరు
- ఢిల్లీలో ఖర్గేతో డీకే భేటీలతో మరింత పెరుగుతున్న ఉత్కంఠ
కర్ణాటక కాంగ్రెస్లో రాజకీయాలు ఒక్కసారిగా వేడెక్కాయి. ముఖ్యమంత్రి మార్పుపై ఊహాగానాలు జోరందుకున్న తరుణంలో 25 మందికి పైగా సీనియర్ ఎమ్మెల్యేలు గురువారం రాత్రి బెంగళూరులో రహస్యంగా సమావేశం కావడం తీవ్ర చర్చనీయాంశమైంది. ముఖ్యమంత్రి సిద్ధరామయ్య విధానసౌధలో కేబినెట్ సమావేశం నిర్వహిస్తున్న సమయంలోనే, మరోవైపు ఓ ప్రైవేట్ హోటల్లో ఈ భేటీ జరగడం గమనార్హం.
దీనికి ఒకరోజు ముందు జరిగిన కాంగ్రెస్ శాసనసభాపక్ష (CLP) సమావేశానికి 50 మందికి పైగా ఎమ్మెల్యేలు గైర్హాజరైన నేపథ్యంలో ఈ పరిణామం ప్రాధాన్యం సంతరించుకుంది. తాజా భేటీలో, గత కొన్ని నెలలుగా పార్టీ ప్రతిష్ఠ దెబ్బతింటోందని, అంతర్గత విభేదాలు ఇలాగే కొనసాగితే రాబోయే రెండేళ్ల పాలనతో పాటు 2028 అసెంబ్లీ ఎన్నికల్లో పార్టీ విజయావకాశాలపై తీవ్ర ప్రభావం పడుతుందని ఎమ్మెల్యేలు ఆందోళన వ్యక్తం చేసినట్లు సమాచారం.
ఇటీవల కర్ణాటక పీసీసీ చీఫ్గా ఆరేళ్లు పూర్తి చేసుకున్న సందర్భంగా డీకే శివకుమార్ ఇచ్చిన విందు, ఆయన వర్గం బలప్రదర్శనగా మారిందని విశ్లేషకులు భావిస్తున్నారు. మరోవైపు, తన రాజకీయ భవిష్యత్తుపై డీకే శివకుమార్ మాట్లాడుతూ, "నాపై నాకు నమ్మకం ఉంది, విధి ఏది రాసిపెడితే అది సరైన సమయంలో జరుగుతుంది" అని వ్యాఖ్యానించడం నాయకత్వ మార్పు చర్చకు మరింత బలాన్నిచ్చింది.
గత కొంతకాలంగా ఆయన పలుమార్లు ఢిల్లీకి వెళ్లి పార్టీ అధ్యక్షుడు మల్లికార్జున్ ఖర్గేతో భేటీ అవుతుండటంతో, కర్ణాటకలో నాయకత్వ మార్పు త్వరలోనే ఉండొచ్చని రాజకీయ వర్గాల్లో ఉత్కంఠ నెలకొంది. ఈ వరుస పరిణామాలు సిద్ధరామయ్య ప్రభుత్వ స్థిరత్వంపై ప్రశ్నలు రేకెత్తిస్తున్నాయి.
దీనికి ఒకరోజు ముందు జరిగిన కాంగ్రెస్ శాసనసభాపక్ష (CLP) సమావేశానికి 50 మందికి పైగా ఎమ్మెల్యేలు గైర్హాజరైన నేపథ్యంలో ఈ పరిణామం ప్రాధాన్యం సంతరించుకుంది. తాజా భేటీలో, గత కొన్ని నెలలుగా పార్టీ ప్రతిష్ఠ దెబ్బతింటోందని, అంతర్గత విభేదాలు ఇలాగే కొనసాగితే రాబోయే రెండేళ్ల పాలనతో పాటు 2028 అసెంబ్లీ ఎన్నికల్లో పార్టీ విజయావకాశాలపై తీవ్ర ప్రభావం పడుతుందని ఎమ్మెల్యేలు ఆందోళన వ్యక్తం చేసినట్లు సమాచారం.
ఇటీవల కర్ణాటక పీసీసీ చీఫ్గా ఆరేళ్లు పూర్తి చేసుకున్న సందర్భంగా డీకే శివకుమార్ ఇచ్చిన విందు, ఆయన వర్గం బలప్రదర్శనగా మారిందని విశ్లేషకులు భావిస్తున్నారు. మరోవైపు, తన రాజకీయ భవిష్యత్తుపై డీకే శివకుమార్ మాట్లాడుతూ, "నాపై నాకు నమ్మకం ఉంది, విధి ఏది రాసిపెడితే అది సరైన సమయంలో జరుగుతుంది" అని వ్యాఖ్యానించడం నాయకత్వ మార్పు చర్చకు మరింత బలాన్నిచ్చింది.
గత కొంతకాలంగా ఆయన పలుమార్లు ఢిల్లీకి వెళ్లి పార్టీ అధ్యక్షుడు మల్లికార్జున్ ఖర్గేతో భేటీ అవుతుండటంతో, కర్ణాటకలో నాయకత్వ మార్పు త్వరలోనే ఉండొచ్చని రాజకీయ వర్గాల్లో ఉత్కంఠ నెలకొంది. ఈ వరుస పరిణామాలు సిద్ధరామయ్య ప్రభుత్వ స్థిరత్వంపై ప్రశ్నలు రేకెత్తిస్తున్నాయి.
