Vishal: నటుడు విశాల్కు మద్రాస్ హైకోర్టులో షాక్.. పిటిషన్ కొట్టివేత
ప్రముఖ నటుడు విశాల్కు మద్రాస్ హైకోర్టులో భారీ ఎదురుదెబ్బ తగిలింది. ప్రముఖ నిర్మాణ సంస్థ లైకా ప్రొడక్షన్స్తో ఉన్న రుణ వివాదం కేసులో రూ.10 కోట్లు డిపాజిట్ చేసేందుకు గడువును పొడిగించాలని ఆయన దాఖలు చేసిన పిటిషన్ను న్యాయస్థానం కొట్టివేసింది. ఇప్పటికే తగినంత సమయం ఇచ్చామని, ఇంక పొడిగింపు ఇవ్వలేమని ధర్మాసనం స్పష్టం చేసింది.
లైకా ప్రొడక్షన్స్కు విశాల్ రూ.21.29 కోట్లను 30 శాతం వడ్డీతో చెల్లించాలని గతంలో సింగిల్ జడ్జి తీర్పు ఇచ్చారు. ఈ తీర్పును సవాల్ చేస్తూ విశాల్ డివిజన్ బెంచ్ను ఆశ్రయించారు. దీనిపై విచారణ జరిపిన ధర్మాసనం, రూ.10 కోట్లు కోర్టులో డిపాజిట్ చేయాలనే షరతుతో మధ్యంతర స్టే మంజూరు చేసింది.
అయితే, నిర్దేశిత గడువులోగా విశాల్ ఆ మొత్తాన్ని డిపాజిట్ చేయలేకపోయారు. తన బ్యాంకు ఖాతాలు స్తంభింపజేశారని, అందుకే డబ్బు సమీకరించడం కష్టంగా మారిందని విశాల్ తరఫు న్యాయవాది మంగళవారం జరిగిన విచారణలో కోర్టుకు తెలిపారు. ఈ మొత్తాన్ని చెల్లించేందుకు ఆరు వారాల గడువు కావాలని అభ్యర్థించారు.
ఈ వాదనను జస్టిస్ సి.వి.కార్తికేయన్, జస్టిస్ కె.కుమరేష్ బాబులతో కూడిన ధర్మాసనం అంగీకరించలేదు. అసలు ఉత్తర్వులు ఇచ్చి ఇప్పటికే దాదాపు ఎనిమిది వారాలు గడిచిపోయిందని, ఇప్పుడు మరింత గడువు ఇవ్వలేమని తేల్చిచెప్పింది. ఈ పిటిషన్ను కొట్టివేయడంతో, సింగిల్ జడ్జి ఇచ్చిన తీర్పు ప్రకారం అప్పు రికవరీ కోసం లైకా ప్రొడక్షన్స్ ముందుకు వెళ్లేందుకు న్యాయపరంగా మార్గం సుగమమైంది.
లైకా ప్రొడక్షన్స్కు విశాల్ రూ.21.29 కోట్లను 30 శాతం వడ్డీతో చెల్లించాలని గతంలో సింగిల్ జడ్జి తీర్పు ఇచ్చారు. ఈ తీర్పును సవాల్ చేస్తూ విశాల్ డివిజన్ బెంచ్ను ఆశ్రయించారు. దీనిపై విచారణ జరిపిన ధర్మాసనం, రూ.10 కోట్లు కోర్టులో డిపాజిట్ చేయాలనే షరతుతో మధ్యంతర స్టే మంజూరు చేసింది.
అయితే, నిర్దేశిత గడువులోగా విశాల్ ఆ మొత్తాన్ని డిపాజిట్ చేయలేకపోయారు. తన బ్యాంకు ఖాతాలు స్తంభింపజేశారని, అందుకే డబ్బు సమీకరించడం కష్టంగా మారిందని విశాల్ తరఫు న్యాయవాది మంగళవారం జరిగిన విచారణలో కోర్టుకు తెలిపారు. ఈ మొత్తాన్ని చెల్లించేందుకు ఆరు వారాల గడువు కావాలని అభ్యర్థించారు.
ఈ వాదనను జస్టిస్ సి.వి.కార్తికేయన్, జస్టిస్ కె.కుమరేష్ బాబులతో కూడిన ధర్మాసనం అంగీకరించలేదు. అసలు ఉత్తర్వులు ఇచ్చి ఇప్పటికే దాదాపు ఎనిమిది వారాలు గడిచిపోయిందని, ఇప్పుడు మరింత గడువు ఇవ్వలేమని తేల్చిచెప్పింది. ఈ పిటిషన్ను కొట్టివేయడంతో, సింగిల్ జడ్జి ఇచ్చిన తీర్పు ప్రకారం అప్పు రికవరీ కోసం లైకా ప్రొడక్షన్స్ ముందుకు వెళ్లేందుకు న్యాయపరంగా మార్గం సుగమమైంది.
