స్పిరిట్ మూవీ నుంచి ప్రకాశ్ రాజ్ తప్పుకున్నారా..?

ప్రభాస్, సందీప్ రెడ్డి వంగా కాంబినేషన్‌లో రూపొందుతున్న ‘స్పిరిట్’ నుంచి తాజాగా ఓ కీలక వార్త సోషల్ మీడియాలో హాల్ చల్ చేస్తోంది. ముఖ్యంగా ప్రభాస్ కెరీర్‌లో తొలిసారి ఐపీఎస్ పాత్రలో నటిస్తున్నాడన్న టాక్‌తో ఈ మూవీపై ఆసక్తి మరింత పెరిగింది.  

ఈ సినిమా నుంచి ప్రకాశ్ రాజ్ తప్పుకున్నట్లు పుకార్లు షికారు చేస్తున్నాయి. గతంలో ప్రభాస్ -  ప్రకాశ్ రాజ్ మధ్య సన్నివేశాలతో షూటింగ్ కూడా మొదలైందని టాక్ వచ్చింది. కానీ ఇప్పుడు తాజాగా జరుగుతున్న ప్రచారం ప్రకారం.. ప్రకాశ్ రాజ్ ఈ ప్రాజెక్ట్ నుంచి తప్పుకున్నారని వార్తలు వినిపిస్తున్నాయి. అయితే ఇందులో నిజమెంత అన్నది ఇంకా అధికారికంగా తెలియాల్సి ఉంది. 

గతంలో విడుదలైన వాయిస్ టీజర్ ద్వారా ప్రకాశ్ రాజ్ పాత్రకు సినిమాలో కీలక ప్రాధాన్యం ఉంటుందని అభిమానులు భావించారు. ఈ నేపథ్యంలో ఆయన తప్పుకున్నారనే వార్త నిజమైతే మూవీపై ప్రభావం పడే అవకాశం ఉందని సినీ వర్గాలు భావిస్తున్నాయి. మరి ఈ వదంతులపై మేకర్స్ ఎలా స్పందిస్తారో చూడాలి. ఇక ఈ క్రేజీ ప్రాజెక్ట్ విడుదల తేదీ విషయానికి వస్తే.. 2027 మార్చి 5న ప్రపంచవ్యాప్తంగా గ్రాండ్‌గా థియేటర్లలో విడుదల చేయనున్నట్లు ఇప్పటికే చిత్ర యూనిట్ అధికారికంగా ప్రకటించింది.
 
ఈ మూవీలో ప్రభాస్ సరసన తృప్తి దిమ్రి హీరోయిన్‌గా నటిస్తుండగా, బాలీవుడ్ నటుడు వివేక్ ఒబెరాయ్ కీలక పాత్రలో కనిపించనున్నాడు. ఈ మూవీకి హర్షవర్ధన్ రామేశ్వర్ సంగీతం అందిస్తుండగా, భద్రకాళి పిక్చర్స్, టీ - సిరీస్ బ్యానర్లపై నిర్మాణం జరుగుతోంది.