రాజభవనంలో జననం.. హోటల్ గదిలో మరణం.. ఇరాన్ యువరాణి లైలా పహ్లవీ విషాద గాథ!
- ఇరాన్ చివరి షా కుమార్తె లైలా పహ్లవీ విషాదభరిత జీవితం
- 9 ఏళ్ల వయసులో ఇస్లామిక్ విప్లవంతో దేశం విడిచి వెళ్లిన వైనం
- తీవ్రమైన డిప్రెషన్తో 31 ఏళ్లకే లండన్ హోటల్లో ఆత్మహత్య
- డ్రగ్స్ ఓవర్డోస్ వల్లే మరణించినట్టు వైద్య నివేదికలో నిర్ధారణ
- సోదరుడు అలీ రెజా కూడా ఆత్మహత్య చేసుకోవడం పహ్లవీ కుటుంబంలో మరో విషాదం
రాజభవనాల్లో పుట్టి, కనీవినీ ఎరుగని వైభవాన్ని చూసిన ఆమె జీవితం అర్ధాంతరంగా ముగిసింది. ఇరాన్ చివరి చక్రవర్తి మహమ్మద్ రెజా పహ్లవీ, మహారాణి ఫరా పహ్లవీల చిన్న కుమార్తె, ప్రిన్సెస్ లైలా పహ్లవీ.. తన 31 ఏళ్ల వయసులోనే లండన్లోని ఓ హోటల్ గదిలో విగతజీవిగా కనిపించారు. రాజకీయ సంక్షోభం కారణంగా చిన్నతనంలోనే దేశాన్ని విడిచి వెళ్లాల్సి రావడం, తండ్రి మరణం ఆమెను జీవితాంతం వెంటాడాయి. తీవ్రమైన మానసిక సంఘర్షణకు లోనై చివరికి ఆత్మహత్య చేసుకున్నారు.
1970లో టెహ్రాన్లో జన్మించిన లైలా పహ్లవీ బాల్యం రాజ వైభోగాల మధ్య గడిచింది. అయితే, 1979లో వచ్చిన ఇస్లామిక్ విప్లవం ఆమె జీవితాన్ని తలకిందులు చేసింది. షా పాలన కూలిపోవడంతో, అప్పుడు 9 ఏళ్ల వయసున్న లైలా తన కుటుంబంతో సహా దేశం విడిచి పారిపోవాల్సి వచ్చింది. వివిధ దేశాల్లో తలదాచుకున్నాక, 1980లో ఆమె తండ్రి మరణించారు. ఈ ఘటన 10 ఏళ్ల లైలా మనసుపై చెరగని గాయాన్ని మిగిల్చింది.
అనంతరం అమెరికాలో స్థిరపడిన లైలా, ఉన్నత విద్యాభ్యాసం పూర్తిచేసి మోడల్గా కూడా పనిచేశారు. అయితే, బహి ప్రపంచానికి కనిపించినంత అందంగా ఆమె జీవితం లేదు. తీవ్రమైన డిప్రెషన్, అనోరెక్సియా (ఆహారం తినకపోవడం), నిద్రలేమి వంటి సమస్యలతో ఆమె పోరాడారు. దేశం విడిచి వెళ్లాల్సి రావడం, తన గుర్తింపుపై ఏర్పడిన సంక్షోభం ఆమెను మానసికంగా కుంగదీశాయి.
చివరికి 2001, జూన్ 10న లండన్లోని లియోనార్డ్ హోటల్లో ఆమె మరణించి కనిపించారు. నిద్రమాత్రలు మోతాదుకు మించి తీసుకోవడంతో పాటు, ఆమె రక్తంలో కొకైన్ ఆనవాళ్లు కూడా ఉన్నాయని పోస్టుమార్టం నివేదిక తేల్చింది. ఇది ఆత్మహత్యేనని అధికారులు నిర్ధారించారు.
"9 ఏళ్ల వయసులో దేశం విడిచి వెళ్లడం, తండ్రి మరణం నుంచి లైలా ఎప్పటికీ కోలుకోలేకపోయింది" అని ఆమె తల్లి ఫరా పహ్లవీ ఆవేదన వ్యక్తం చేశారు. విషాదం ఏమిటంటే, 2011లో లైలా సోదరుడు అలీ రెజా కూడా ఆత్మహత్య చేసుకున్నారు. రాజకీయ మార్పులు వ్యక్తిగత జీవితాలను ఎలా నాశనం చేస్తాయో చెప్పడానికి పహ్లవీ కుటుంబ విషాదం ఒక ఉదాహరణగా నిలిచిపోయింది.
1970లో టెహ్రాన్లో జన్మించిన లైలా పహ్లవీ బాల్యం రాజ వైభోగాల మధ్య గడిచింది. అయితే, 1979లో వచ్చిన ఇస్లామిక్ విప్లవం ఆమె జీవితాన్ని తలకిందులు చేసింది. షా పాలన కూలిపోవడంతో, అప్పుడు 9 ఏళ్ల వయసున్న లైలా తన కుటుంబంతో సహా దేశం విడిచి పారిపోవాల్సి వచ్చింది. వివిధ దేశాల్లో తలదాచుకున్నాక, 1980లో ఆమె తండ్రి మరణించారు. ఈ ఘటన 10 ఏళ్ల లైలా మనసుపై చెరగని గాయాన్ని మిగిల్చింది.
అనంతరం అమెరికాలో స్థిరపడిన లైలా, ఉన్నత విద్యాభ్యాసం పూర్తిచేసి మోడల్గా కూడా పనిచేశారు. అయితే, బహి ప్రపంచానికి కనిపించినంత అందంగా ఆమె జీవితం లేదు. తీవ్రమైన డిప్రెషన్, అనోరెక్సియా (ఆహారం తినకపోవడం), నిద్రలేమి వంటి సమస్యలతో ఆమె పోరాడారు. దేశం విడిచి వెళ్లాల్సి రావడం, తన గుర్తింపుపై ఏర్పడిన సంక్షోభం ఆమెను మానసికంగా కుంగదీశాయి.
చివరికి 2001, జూన్ 10న లండన్లోని లియోనార్డ్ హోటల్లో ఆమె మరణించి కనిపించారు. నిద్రమాత్రలు మోతాదుకు మించి తీసుకోవడంతో పాటు, ఆమె రక్తంలో కొకైన్ ఆనవాళ్లు కూడా ఉన్నాయని పోస్టుమార్టం నివేదిక తేల్చింది. ఇది ఆత్మహత్యేనని అధికారులు నిర్ధారించారు.
"9 ఏళ్ల వయసులో దేశం విడిచి వెళ్లడం, తండ్రి మరణం నుంచి లైలా ఎప్పటికీ కోలుకోలేకపోయింది" అని ఆమె తల్లి ఫరా పహ్లవీ ఆవేదన వ్యక్తం చేశారు. విషాదం ఏమిటంటే, 2011లో లైలా సోదరుడు అలీ రెజా కూడా ఆత్మహత్య చేసుకున్నారు. రాజకీయ మార్పులు వ్యక్తిగత జీవితాలను ఎలా నాశనం చేస్తాయో చెప్పడానికి పహ్లవీ కుటుంబ విషాదం ఒక ఉదాహరణగా నిలిచిపోయింది.