సచిన్ రికార్డు బద్దలు కొట్టిన కోహ్లీ... గవాస్కర్ స్పందన
- దక్షిణాఫ్రికాతో తొలి వన్డేలో విరాట్ కోహ్లీ అద్భుత సెంచరీ
- సచిన్ రికార్డు తెరమరుగు
- టెస్టుల్లో 51 సెంచరీలు చేసిన సచిన్ టెండూల్కర్
- సింగిల్ ఫార్మాట్ లో ఇప్పటివరకు ఇదే అత్యధిక సెంచరీల రికార్డు
- తాజాగా వన్డేల్లో 52వ సెంచరీ కొట్టిన కోహ్లీ
- కోహ్లీనే అత్యుత్తమ ఆటగాడంటూ గవాస్కర్ ప్రశంసలు
భారత క్రికెట్ స్టార్ విరాట్ కోహ్లీ వన్డే ఫార్మాట్లో సరికొత్త చరిత్ర సృష్టించాడు. క్రికెట్ దిగ్గజం సచిన్ టెండూల్కర్ పేరిట ఉన్న అత్యధిక సెంచరీల రికార్డును అధిగమించి, ఓ ఫార్మాట్లో అత్యధిక శతకాలు బాదిన ఆటగాడిగా నిలిచాడు. ఆదివారం రాంచీలో దక్షిణాఫ్రికాతో జరిగిన తొలి వన్డేలో అద్భుత శతకం బాదిన కోహ్లీ.. వన్డేల్లో తన 52వ సెంచరీని నమోదు చేశాడు.
సచిన్ ఇప్పటివరకు ఓ ఫార్మాట్ లో అత్యధిక సెంచరీలు కొట్టిన ఆటగాడిగా ఉన్నాడు. సచిన్ టెస్టుల్లో 51 సెంచరీలు కొట్టాడు. తాజాగా, ఆ రికార్డును కోహ్లీ అధిగమించాడు. కోహ్లీ వన్డేల్లో 52వ సెంచరీ సాధించడంతో, ఓ సింగిల్ ఫార్మాట్ లో అత్యధిక సెంచరీలు చేసిన ఆటగాడిగా అవతరించాడు.
ఈ చారిత్రక ఘనతపై భారత మాజీ కెప్టెన్ సునీల్ గవాస్కర్ ప్రశంసల వర్షం కురిపించాడు. ఈ మ్యాచ్ సందర్భంగా జియోస్టార్తో మాట్లాడిన గవాస్కర్.. వన్డేల్లో కోహ్లీనే అత్యుత్తమ ఆటగాడని కొనియాడాడు. "విరాట్ కోహ్లీతో కలిసి ఆడిన వారు, అతనికి వ్యతిరేకంగా ఆడిన వారు.. అందరూ అతడే వన్డేల్లో గ్రేటెస్ట్ అని అంగీకరిస్తారు. రికీ పాంటింగ్ కూడా కోహ్లీని అత్యుత్తమ ఆటగాడిగా అభివర్ణించాడు. ఆస్ట్రేలియన్ల నుంచి ప్రశంసలు పొందడం చాలా కష్టం. సచిన్ను దాటేశాడంటే, అతని స్థానం ఏంటో అర్థం చేసుకోవచ్చు" అని గవాస్కర్ వ్యాఖ్యానించాడు.
ఈ మ్యాచ్లో కోహ్లీ 120 బంతుల్లో 135 పరుగులు చేసి భారీ ఇన్నింగ్స్ ఆడాడు. అతనికి తోడుగా రోహిత్ శర్మ, కెప్టెన్ కేఎల్ రాహుల్ అర్ధ సెంచరీలతో రాణించడంతో, భారత జట్టు దక్షిణాఫ్రికా ముందు 350 పరుగుల భారీ లక్ష్యాన్ని నిర్దేశించింది.
ఇటీవల కాలంలో కోహ్లీ ఫామ్పై కొన్ని విమర్శలు వచ్చినప్పటికీ, గత నెల ఆస్ట్రేలియా పర్యటనలో రాణించి, ఇప్పుడు స్వదేశంలోనూ అదే జోరును కొనసాగించాడు. ఇప్పటికే టెస్టులు, టీ20ల నుంచి తప్పుకున్న కోహ్లీ, ప్రస్తుతం వన్డే ఫార్మాట్పైనే దృష్టి సారించాడు. 2027 ప్రపంచకప్ను లక్ష్యంగా పెట్టుకుని కెరీర్ను ముగించాలని భావిస్తున్నాడు.
సచిన్ ఇప్పటివరకు ఓ ఫార్మాట్ లో అత్యధిక సెంచరీలు కొట్టిన ఆటగాడిగా ఉన్నాడు. సచిన్ టెస్టుల్లో 51 సెంచరీలు కొట్టాడు. తాజాగా, ఆ రికార్డును కోహ్లీ అధిగమించాడు. కోహ్లీ వన్డేల్లో 52వ సెంచరీ సాధించడంతో, ఓ సింగిల్ ఫార్మాట్ లో అత్యధిక సెంచరీలు చేసిన ఆటగాడిగా అవతరించాడు.
ఈ చారిత్రక ఘనతపై భారత మాజీ కెప్టెన్ సునీల్ గవాస్కర్ ప్రశంసల వర్షం కురిపించాడు. ఈ మ్యాచ్ సందర్భంగా జియోస్టార్తో మాట్లాడిన గవాస్కర్.. వన్డేల్లో కోహ్లీనే అత్యుత్తమ ఆటగాడని కొనియాడాడు. "విరాట్ కోహ్లీతో కలిసి ఆడిన వారు, అతనికి వ్యతిరేకంగా ఆడిన వారు.. అందరూ అతడే వన్డేల్లో గ్రేటెస్ట్ అని అంగీకరిస్తారు. రికీ పాంటింగ్ కూడా కోహ్లీని అత్యుత్తమ ఆటగాడిగా అభివర్ణించాడు. ఆస్ట్రేలియన్ల నుంచి ప్రశంసలు పొందడం చాలా కష్టం. సచిన్ను దాటేశాడంటే, అతని స్థానం ఏంటో అర్థం చేసుకోవచ్చు" అని గవాస్కర్ వ్యాఖ్యానించాడు.
ఈ మ్యాచ్లో కోహ్లీ 120 బంతుల్లో 135 పరుగులు చేసి భారీ ఇన్నింగ్స్ ఆడాడు. అతనికి తోడుగా రోహిత్ శర్మ, కెప్టెన్ కేఎల్ రాహుల్ అర్ధ సెంచరీలతో రాణించడంతో, భారత జట్టు దక్షిణాఫ్రికా ముందు 350 పరుగుల భారీ లక్ష్యాన్ని నిర్దేశించింది.
ఇటీవల కాలంలో కోహ్లీ ఫామ్పై కొన్ని విమర్శలు వచ్చినప్పటికీ, గత నెల ఆస్ట్రేలియా పర్యటనలో రాణించి, ఇప్పుడు స్వదేశంలోనూ అదే జోరును కొనసాగించాడు. ఇప్పటికే టెస్టులు, టీ20ల నుంచి తప్పుకున్న కోహ్లీ, ప్రస్తుతం వన్డే ఫార్మాట్పైనే దృష్టి సారించాడు. 2027 ప్రపంచకప్ను లక్ష్యంగా పెట్టుకుని కెరీర్ను ముగించాలని భావిస్తున్నాడు.