అమెరికన్లకు ట్రంప్ దీపావళి విషెస్.. ఏమన్నారంటే..!

వెలుగుల పండుగ దీపావళి సందర్భంగా అమెరికా అధ్యక్షుడు డొనాల్డ్ ట్రంప్ సోమవారం ప్రత్యేక శుభాకాంక్షలు తెలియజేశారు. ఈ పర్వదినాన్ని జరుపుకుంటున్న ప్రతీ అమెరికన్‌కు ఆయన తన శుభాకాంక్షలు తెలుపుతూ ఒక ప్రకటన విడుదల చేశారు.

చీకటిపై వెలుగు సాధించిన విజయానికి దీపావళి పండుగ నిదర్శనమని ట్రంప్ అభివర్ణించారు. కుటుంబ సభ్యులు, స్నేహితులతో కలిసి ఆనందంగా జరుపుకునే ఈ వేడుక, ఆశ నుంచి బలాన్ని పొందేందుకు, నూతన స్ఫూర్తిని నింపుకొనేందుకు దోహదపడుతుందని ఆయన తన సందేశంలో పేర్కొన్నారు.

"కోట్లాది మంది ప్రజలు దీపాలు, లాంతర్లు వెలిగించి జరుపుకునే ఈ పండుగ, చెడుపై మంచి ఎల్లప్పుడూ విజయం సాధిస్తుందనే సత్యాన్ని గుర్తు చేస్తుంది" అని ట్రంప్ తెలిపారు.

దీపావళి జరుపుకుంటున్న ప్రతీ అమెరికన్‌కు ఈ పండుగ ప్రశాంతత, శ్రేయస్సు, ఆశ, శాంతిని అందించాలని మనస్ఫూర్తిగా కోరుకుంటున్నట్లు ట్రంప్ తన ప్రకటనలో పేర్కొన్నారు.