Trump-PM Modi: మోదీ గొప్ప వ్యక్తి.. ఆయనకు నేనంటే చాలా ప్రేమ: ట్రంప్ ఆసక్తికర వ్యాఖ్యలు
భారత ప్రధాని నరేంద్ర మోదీ తనకు ఒక కీలక హామీ ఇచ్చారని అమెరికా అధ్యక్షుడు డొనాల్డ్ ట్రంప్ ప్రకటించారు. రష్యా నుంచి చమురు కొనుగోళ్లను భారత్ త్వరలోనే నిలిపివేస్తుందని మోదీ తనతో చెప్పారని ఆయన వెల్లడించారు. ఈ నిర్ణయం వల్ల ఉక్రెయిన్లో కొనసాగుతున్న యుద్ధానికి ముగింపు పలకడం సులభమవుతుందని ట్రంప్ అభిప్రాయపడ్డారు. వైట్హౌస్లో మీడియాతో మాట్లాడుతూ ఆయన ఈ వ్యాఖ్యలు చేశారు.
ప్రధాని మోదీని గొప్ప వ్యక్తిగా, కాలపరీక్షకు నిలిచిన నేతగా ట్రంప్ ప్రశంసించారు. "మోదీ చాలా గొప్ప వ్యక్తి. నేనంటే ఆయనకు ఇష్టం, నాకూ ఆయనంటే ఇష్టం" అని పేర్కొన్నారు. వెంటనే తన వ్యాఖ్యను సరిదిద్దుకుంటూ, "ప్రేమ అనే పదాన్ని తప్పుగా అర్థం చేసుకోవద్దు. ఆయన రాజకీయ జీవితాన్ని ఇబ్బందుల్లో పెట్టడం నాకు ఇష్టం లేదు" అంటూ సరదాగా వ్యాఖ్యానించారు. భారత్ను ఒక అద్భుతమైన దేశంగా అభివర్ణించిన ట్రంప్, ఒకప్పుడు తరచూ నాయకులు మారే పరిస్థితి ఉండేదని, కానీ మోదీ చాలా కాలంగా స్థిరమైన పాలన అందిస్తున్నారని కొనియాడారు.
మోదీ తనకు హామీ ఇచ్చారన్న ట్రంప్
రష్యా నుంచి చమురు కొనుగోళ్లను ఆపేస్తామని మోదీ తనకు హామీ ఇచ్చారని ట్రంప్ స్పష్టం చేశారు. "రష్యా నుంచి ఇకపై చమురు కొనుగోలు చేయబోమని ఆయన నాకు హామీ ఇచ్చారు. ఇది వెంటనే సాధ్యం కాకపోవచ్చు. దీనికి కొంత సమయం పడుతుంది, కానీ ఈ ప్రక్రియ త్వరలోనే ముగుస్తుంది" అని ట్రంప్ వివరించారు. భారత్ కనుక చమురు కొనడం ఆపేస్తే, యుద్ధాన్ని ఆపడం మరింత తేలికవుతుందని ఆయన అన్నారు. యుద్ధం ముగిసిన తర్వాత భారత్ మళ్లీ రష్యాతో వ్యాపారం చేసుకోవచ్చని సూచించారు.
గతంలో ఉక్రెయిన్ యుద్ధానికి రష్యాకు భారత్ ఆర్థికంగా సహకరిస్తోందని ఆరోపించిన ట్రంప్, తాజా వ్యాఖ్యలతో ఇరు దేశాల మధ్య సంబంధాలు మెరుగుపడినట్లు సంకేతాలు ఇచ్చారు. అయితే, ట్రంప్ చేసిన ఈ కీలక ప్రకటనపై భారత ప్రభుత్వం ఇప్పటివరకు అధికారికంగా స్పందించలేదు. 2022 నుంచి రష్యా, ఉక్రెయిన్ మధ్య యుద్ధం కొనసాగుతున్న విషయం తెలిసిందే.
ప్రధాని మోదీని గొప్ప వ్యక్తిగా, కాలపరీక్షకు నిలిచిన నేతగా ట్రంప్ ప్రశంసించారు. "మోదీ చాలా గొప్ప వ్యక్తి. నేనంటే ఆయనకు ఇష్టం, నాకూ ఆయనంటే ఇష్టం" అని పేర్కొన్నారు. వెంటనే తన వ్యాఖ్యను సరిదిద్దుకుంటూ, "ప్రేమ అనే పదాన్ని తప్పుగా అర్థం చేసుకోవద్దు. ఆయన రాజకీయ జీవితాన్ని ఇబ్బందుల్లో పెట్టడం నాకు ఇష్టం లేదు" అంటూ సరదాగా వ్యాఖ్యానించారు. భారత్ను ఒక అద్భుతమైన దేశంగా అభివర్ణించిన ట్రంప్, ఒకప్పుడు తరచూ నాయకులు మారే పరిస్థితి ఉండేదని, కానీ మోదీ చాలా కాలంగా స్థిరమైన పాలన అందిస్తున్నారని కొనియాడారు.
మోదీ తనకు హామీ ఇచ్చారన్న ట్రంప్
రష్యా నుంచి చమురు కొనుగోళ్లను ఆపేస్తామని మోదీ తనకు హామీ ఇచ్చారని ట్రంప్ స్పష్టం చేశారు. "రష్యా నుంచి ఇకపై చమురు కొనుగోలు చేయబోమని ఆయన నాకు హామీ ఇచ్చారు. ఇది వెంటనే సాధ్యం కాకపోవచ్చు. దీనికి కొంత సమయం పడుతుంది, కానీ ఈ ప్రక్రియ త్వరలోనే ముగుస్తుంది" అని ట్రంప్ వివరించారు. భారత్ కనుక చమురు కొనడం ఆపేస్తే, యుద్ధాన్ని ఆపడం మరింత తేలికవుతుందని ఆయన అన్నారు. యుద్ధం ముగిసిన తర్వాత భారత్ మళ్లీ రష్యాతో వ్యాపారం చేసుకోవచ్చని సూచించారు.
గతంలో ఉక్రెయిన్ యుద్ధానికి రష్యాకు భారత్ ఆర్థికంగా సహకరిస్తోందని ఆరోపించిన ట్రంప్, తాజా వ్యాఖ్యలతో ఇరు దేశాల మధ్య సంబంధాలు మెరుగుపడినట్లు సంకేతాలు ఇచ్చారు. అయితే, ట్రంప్ చేసిన ఈ కీలక ప్రకటనపై భారత ప్రభుత్వం ఇప్పటివరకు అధికారికంగా స్పందించలేదు. 2022 నుంచి రష్యా, ఉక్రెయిన్ మధ్య యుద్ధం కొనసాగుతున్న విషయం తెలిసిందే.
