సరిహద్దులో రక్తపాతం.. 48 గంటల పాటు కాల్పుల విరమణకు పాక్, ఆఫ్ఘన్ అంగీకారం
- రక్తమోడుతున్న పాక్-ఆఫ్ఘన్ సరిహద్దు
- ఘర్షణల్లో డజన్ల కొద్దీ ఆఫ్ఘన్ సైనికులను చంపామన్న పాకిస్థాన్
- పాక్ దాడుల్లో 12 మంది పౌరులు చనిపోయారని తాలిబన్ల ఆరోపణ
- పాక్-ఆఫ్ఘన్ మధ్య తాత్కాలిక సంధి
పాకిస్థాన్, ఆఫ్ఘనిస్థాన్ సరిహద్దులో కొన్ని గంటల పాటు జరిగిన భీకర దాడులు, ప్రతిదాడుల అనంతరం ఇరు దేశాలు కీలక నిర్ణయం తీసుకున్నాయి. డజన్ల కొద్దీ ప్రాణాలను బలిగొన్న ఈ హింసకు తాత్కాలికంగా తెరదించుతూ, 48 గంటల పాటు కాల్పుల విరమణకు అంగీకరించాయి. బుధవారం సాయంత్రం 6 గంటల (భారత కాలమానం ప్రకారం 6:30) నుంచి ఈ ఒప్పందం అమల్లోకి వచ్చింది.
ఈ సంక్లిష్టమైన సమస్యకు చర్చల ద్వారా సానుకూల పరిష్కారం కనుగొనేందుకు ఇరుపక్షాలు చిత్తశుద్ధితో ప్రయత్నిస్తాయని ఇస్లామాబాద్ ఒక ప్రకటనలో పేర్కొంది. ఆఫ్ఘనిస్థాన్ కోరిక మేరకే తాము కాల్పుల విరమణకు అంగీకరించినట్లు పాకిస్థాన్ తెలిపింది. అయితే ఈ విషయంపైనా, కాల్పుల విరమణ ఒప్పందం పైనా ఆఫ్ఘనిస్థాన్ నుంచి ఇప్పటివరకు ఎలాంటి అధికారిక ప్రకటన రాలేదు.
అంతకుముందు, తమపై రెచ్చగొట్టే దాడులకు పాల్పడిన ఆఫ్ఘన్ బలగాలను తిప్పికొట్టామని పాకిస్థాన్ ప్రకటించింది. ఈ సైనిక చర్యల్లో డజన్ల కొద్దీ ఆఫ్ఘన్ భద్రతా సిబ్బంది, మిలిటెంట్లు హతమయ్యారని, వారి ట్యాంకులు, సైనిక పోస్టులను ధ్వంసం చేశామని తెలిపింది. అయితే, ఆఫ్ఘనిస్థాన్‌లోని కాందహార్ ప్రావిన్స్‌లో సాధారణ పౌరులపై దాడి చేశామన్న ఆరోపణలను పాక్ తీవ్రంగా ఖండించింది.
మరోవైపు, పాకిస్థాన్ దాడుల్లో 12 మంది పౌరులు మరణించగా, 100 మందికి పైగా గాయపడ్డారని తాలిబన్లు ఆరోపించారు. దీనికి ప్రతీకారంగా తాము పాక్ ఆర్మీకి చెందిన ఒక సరిహద్దు పోస్టును ధ్వంసం చేసి, ఒక ట్యాంక్‌ను స్వాధీనం చేసుకున్నామని తాలిబన్ల ప్రధాన అధికార ప్రతినిధి జబిహుల్లా ముజాహిద్ వెల్లడించారు.
తమ దేశంలో ఉగ్రవాద దాడులకు పాల్పడుతున్న మిలిటెంట్లకు ఆఫ్ఘనిస్థాన్ ఆశ్రయం కల్పిస్తోందని పాకిస్థాన్ చాలాకాలంగా ఆరోపిస్తోంది. 2021లో తాలిబన్లు అధికారంలోకి వచ్చాక ఈ దాడులు పెరిగాయని చెబుతోంది. అయితే, ఈ ఆరోపణలను ఆఫ్ఘనిస్థాన్ ఖండిస్తోంది. తమ భూభాగాన్ని ఏ ఇతర దేశంపై దాడికి ఉపయోగించనీయబోమని ఆఫ్ఘన్ విదేశాంగ మంత్రి ఆమిర్ ఖాన్ ముత్తఖీ ఇటీవల భారత్ పర్యటన సందర్భంగా స్పష్టం చేసిన విషయం తెలిసిందే.
ఈ సంక్లిష్టమైన సమస్యకు చర్చల ద్వారా సానుకూల పరిష్కారం కనుగొనేందుకు ఇరుపక్షాలు చిత్తశుద్ధితో ప్రయత్నిస్తాయని ఇస్లామాబాద్ ఒక ప్రకటనలో పేర్కొంది. ఆఫ్ఘనిస్థాన్ కోరిక మేరకే తాము కాల్పుల విరమణకు అంగీకరించినట్లు పాకిస్థాన్ తెలిపింది. అయితే ఈ విషయంపైనా, కాల్పుల విరమణ ఒప్పందం పైనా ఆఫ్ఘనిస్థాన్ నుంచి ఇప్పటివరకు ఎలాంటి అధికారిక ప్రకటన రాలేదు.
అంతకుముందు, తమపై రెచ్చగొట్టే దాడులకు పాల్పడిన ఆఫ్ఘన్ బలగాలను తిప్పికొట్టామని పాకిస్థాన్ ప్రకటించింది. ఈ సైనిక చర్యల్లో డజన్ల కొద్దీ ఆఫ్ఘన్ భద్రతా సిబ్బంది, మిలిటెంట్లు హతమయ్యారని, వారి ట్యాంకులు, సైనిక పోస్టులను ధ్వంసం చేశామని తెలిపింది. అయితే, ఆఫ్ఘనిస్థాన్‌లోని కాందహార్ ప్రావిన్స్‌లో సాధారణ పౌరులపై దాడి చేశామన్న ఆరోపణలను పాక్ తీవ్రంగా ఖండించింది.
మరోవైపు, పాకిస్థాన్ దాడుల్లో 12 మంది పౌరులు మరణించగా, 100 మందికి పైగా గాయపడ్డారని తాలిబన్లు ఆరోపించారు. దీనికి ప్రతీకారంగా తాము పాక్ ఆర్మీకి చెందిన ఒక సరిహద్దు పోస్టును ధ్వంసం చేసి, ఒక ట్యాంక్‌ను స్వాధీనం చేసుకున్నామని తాలిబన్ల ప్రధాన అధికార ప్రతినిధి జబిహుల్లా ముజాహిద్ వెల్లడించారు.
తమ దేశంలో ఉగ్రవాద దాడులకు పాల్పడుతున్న మిలిటెంట్లకు ఆఫ్ఘనిస్థాన్ ఆశ్రయం కల్పిస్తోందని పాకిస్థాన్ చాలాకాలంగా ఆరోపిస్తోంది. 2021లో తాలిబన్లు అధికారంలోకి వచ్చాక ఈ దాడులు పెరిగాయని చెబుతోంది. అయితే, ఈ ఆరోపణలను ఆఫ్ఘనిస్థాన్ ఖండిస్తోంది. తమ భూభాగాన్ని ఏ ఇతర దేశంపై దాడికి ఉపయోగించనీయబోమని ఆఫ్ఘన్ విదేశాంగ మంత్రి ఆమిర్ ఖాన్ ముత్తఖీ ఇటీవల భారత్ పర్యటన సందర్భంగా స్పష్టం చేసిన విషయం తెలిసిందే.
