ప్రజ్వల్ రేవణ్ణను నేరస్థుడిగా నిరూపించిన ఫాంహౌస్లోని చీర!
- 47 ఏళ్ల మహిళపై అత్యాచారం కేసులో ప్రజ్వల్కు జీవిత ఖైదు.. రూ. 11 లక్షల జరిమానా
- అత్యాచారం తర్వాత బాధితురాలి నుంచి చీర లాక్కుని అటకపై దాచిన వైనం
- బాధితురాలి వాంగ్మూలంతో ప్రజ్వల్ ఫాంహౌస్పై దాడిచేసి చీరను స్వాధీనం చేసుకున్న పోలీసులు
- దానిపై వీర్యం మరకలు.. అవి ప్రజ్వల్వేనని డీఎన్ఏ పరీక్షలో గుర్తింపు
జేడీఎస్ మాజీ ఎంపీ ప్రజ్వల్ రేవణ్ణ అత్యాచారం కేసులో ఒక పాత చీర కీలక సాక్ష్యంగా మారింది. ఫాంహౌస్లోని అటకపై పడి ఉన్న ఆ చీర, ప్రజ్వల్ నేరాన్ని రుజువు చేసే ఫోరెన్సిక్ ఆధారాల్లో ఒకటిగా నిలిచి, ఆయనకు జీవిత ఖైదు పడేలా చేసింది.
47 ఏళ్ల మహిళపై అత్యాచారం చేసి, ఆ దాడిని వీడియో తీసిన కేసులో ప్రజ్వల్కు కోర్టు జీవిత ఖైదు విధించింది. అలాగే, 11 లక్షల జరిమానా కూడా చెల్లించాలని కోర్టు తీర్పు చెప్పింది. ఈ జరిమానా మొత్తాన్ని బాధితురాలికి పరిహారంగా అందజేస్తారు. అత్యాచారం తర్వాత ప్రజ్వల్ బలవంతంగా బాధితురాలి చీరను తీసుకున్నాడు. దానిపై కీలకమైన భౌతిక ఆధారాలు ఉన్నాయి. ఆ చీరను నాశనం చేయడానికి బదులుగా, ఎవరూ గుర్తించలేరన్న ధీమాతో ప్రజ్వల్ దానిని తన ఫాంహౌస్లోని అటకపై దాచాడు. కానీ, అదే అతన్ని నేరస్తుడిగా పట్టించింది.
నివేదికలో చీర పాత్ర
విచారణ సమయంలో పోలీసులు బాధితురాలిని ఆ రోజు ఆమె ఏం ధరించావని అడిగినప్పుడు ప్రజ్వల్ ఆ చీరను తిరిగి ఇవ్వలేదని, అది ఫాంహౌస్లో ఉండే అవకాశం ఉందని చెప్పింది. ఈ సమాచారంతో పోలీసులు ఫాంహౌస్పై దాడి చేసి, అటకపై వున్న ఆ చీరను స్వాధీనం చేసుకున్నారు. దానిని ఫోరెన్సిక్ సైన్స్ లాబొరేటరీకి పంపగా, దానిపై వీర్యం ఆనవాళ్ళు ఉన్నట్టు ధ్రువీకరించారు. డీఎన్ఏ పరీక్షలో అది ప్రజ్వల్ డీఎన్ఏతో సరిపోలింది.
ఈ చీరతో పాటు, బాధితురాలి వాంగ్మూలం కూడా కేసు దర్యాప్తులో కీలకంగా మారింది. చీరపై లభించిన డీఎన్ఏ ఆధారాలు ప్రజ్వల్కు వ్యతిరేకంగా ప్రాసిక్యూషన్ వాదనను బలోపేతం చేశాయి, చివరికి ఆయనకు శిక్ష పడటానికి దోహదపడ్డాయి.
47 ఏళ్ల మహిళపై అత్యాచారం చేసి, ఆ దాడిని వీడియో తీసిన కేసులో ప్రజ్వల్కు కోర్టు జీవిత ఖైదు విధించింది. అలాగే, 11 లక్షల జరిమానా కూడా చెల్లించాలని కోర్టు తీర్పు చెప్పింది. ఈ జరిమానా మొత్తాన్ని బాధితురాలికి పరిహారంగా అందజేస్తారు. అత్యాచారం తర్వాత ప్రజ్వల్ బలవంతంగా బాధితురాలి చీరను తీసుకున్నాడు. దానిపై కీలకమైన భౌతిక ఆధారాలు ఉన్నాయి. ఆ చీరను నాశనం చేయడానికి బదులుగా, ఎవరూ గుర్తించలేరన్న ధీమాతో ప్రజ్వల్ దానిని తన ఫాంహౌస్లోని అటకపై దాచాడు. కానీ, అదే అతన్ని నేరస్తుడిగా పట్టించింది.
నివేదికలో చీర పాత్ర
విచారణ సమయంలో పోలీసులు బాధితురాలిని ఆ రోజు ఆమె ఏం ధరించావని అడిగినప్పుడు ప్రజ్వల్ ఆ చీరను తిరిగి ఇవ్వలేదని, అది ఫాంహౌస్లో ఉండే అవకాశం ఉందని చెప్పింది. ఈ సమాచారంతో పోలీసులు ఫాంహౌస్పై దాడి చేసి, అటకపై వున్న ఆ చీరను స్వాధీనం చేసుకున్నారు. దానిని ఫోరెన్సిక్ సైన్స్ లాబొరేటరీకి పంపగా, దానిపై వీర్యం ఆనవాళ్ళు ఉన్నట్టు ధ్రువీకరించారు. డీఎన్ఏ పరీక్షలో అది ప్రజ్వల్ డీఎన్ఏతో సరిపోలింది.
ఈ చీరతో పాటు, బాధితురాలి వాంగ్మూలం కూడా కేసు దర్యాప్తులో కీలకంగా మారింది. చీరపై లభించిన డీఎన్ఏ ఆధారాలు ప్రజ్వల్కు వ్యతిరేకంగా ప్రాసిక్యూషన్ వాదనను బలోపేతం చేశాయి, చివరికి ఆయనకు శిక్ష పడటానికి దోహదపడ్డాయి.