ఇలాంటి కార్యక్రమాలకు నన్ను కాకుండా శివకుమార్, కమల్ హాసన్ లాంటి వారిని పిలవాలి: రజనీకాంత్
రచయిత ఎస్.వెంకటేశన్ రచించిన 'వేల్పారి' పుస్తకానికి విశేష పాఠకాదరణ లభిస్తోంది. ఈ క్రమంలో నిన్న సాయంత్రం చెన్నైలో ఒక ప్రత్యేక కార్యక్రమాన్ని నిర్వహించారు. ఈ కార్యక్రమానికి ప్రముఖ సినీ నటుడు రజనీకాంత్ ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ఆసక్తికర వ్యాఖ్యలు చేశారు.
ఇలాంటి కార్యక్రమాలను శివకుమార్, కమల్ హాసన్ లాంటి వారిని పిలవాలని... ఎందుకంటే వారు మేధావులు అని రజనీ చెప్పారు. ఈ కార్యక్రమానికి ముఖ్య అతిథిగా హాజరుకావాలని తనను ఆహ్వానించినప్పుడు... 75 ఏళ్ల వయసులో కూలింగ్ గ్లాస్ పెట్టుకుని స్లో మోషన్ లో నడిచే తనను ఎందుకు పిలిచారా అని ఆశ్చర్యపోయానని నవ్వులు పూయించారు. ఇటీవల ఓ కార్యక్రమంలో తాను చేసిన వ్యాఖ్యలు ఒకింత వివాదాస్పదమయ్యాయని... అందుకే ఈసారి ఆచితూచి మాట్లాడాలనుకుంటున్నానని సరదాగా వ్యాఖ్యానించారు.
రామకృష్ణ ఆశ్రమం వల్ల తనకు పుస్తకపఠనం అలవాటుగా మారిందని రజనీ తెలిపారు. తాను ఎన్నో గొప్ప పుస్తకాలు చదివానని చెప్పారు. జయకంధన్ రచించిన ఓ పుస్తకం చదివి తాను కన్నీళ్లు పెట్టుకున్నానని తెలిపారు. 'వేల్పారి' పుస్తకాన్ని చదవడాన్ని ప్రారంభించానని... 25 శాతం చదవడం పూర్తయిందని... సినిమాల నుంచి రిటైర్మెంట్ తీసుకున్న తర్వాత ఆ పుస్తకం చదవడాన్ని పూర్తి చేస్తానని చెప్పారు. 'వేల్పారి' ఆధారంగా దర్శకుడు శంకర్ తెరకెక్కించనున్న సినిమా కోసం తాను ఆసక్తిగా ఎదురు చూస్తున్నానని అన్నారు. మరోవైపు రజనీ నటించిన 'కూలీ' చిత్రం ఆగస్ట్ 14న విడుదల కానుంది.
ఇలాంటి కార్యక్రమాలను శివకుమార్, కమల్ హాసన్ లాంటి వారిని పిలవాలని... ఎందుకంటే వారు మేధావులు అని రజనీ చెప్పారు. ఈ కార్యక్రమానికి ముఖ్య అతిథిగా హాజరుకావాలని తనను ఆహ్వానించినప్పుడు... 75 ఏళ్ల వయసులో కూలింగ్ గ్లాస్ పెట్టుకుని స్లో మోషన్ లో నడిచే తనను ఎందుకు పిలిచారా అని ఆశ్చర్యపోయానని నవ్వులు పూయించారు. ఇటీవల ఓ కార్యక్రమంలో తాను చేసిన వ్యాఖ్యలు ఒకింత వివాదాస్పదమయ్యాయని... అందుకే ఈసారి ఆచితూచి మాట్లాడాలనుకుంటున్నానని సరదాగా వ్యాఖ్యానించారు.
రామకృష్ణ ఆశ్రమం వల్ల తనకు పుస్తకపఠనం అలవాటుగా మారిందని రజనీ తెలిపారు. తాను ఎన్నో గొప్ప పుస్తకాలు చదివానని చెప్పారు. జయకంధన్ రచించిన ఓ పుస్తకం చదివి తాను కన్నీళ్లు పెట్టుకున్నానని తెలిపారు. 'వేల్పారి' పుస్తకాన్ని చదవడాన్ని ప్రారంభించానని... 25 శాతం చదవడం పూర్తయిందని... సినిమాల నుంచి రిటైర్మెంట్ తీసుకున్న తర్వాత ఆ పుస్తకం చదవడాన్ని పూర్తి చేస్తానని చెప్పారు. 'వేల్పారి' ఆధారంగా దర్శకుడు శంకర్ తెరకెక్కించనున్న సినిమా కోసం తాను ఆసక్తిగా ఎదురు చూస్తున్నానని అన్నారు. మరోవైపు రజనీ నటించిన 'కూలీ' చిత్రం ఆగస్ట్ 14న విడుదల కానుంది.
