'హరిహర వీరమల్లు' నుంచి అదిరిపోయే అప్డేట్.. కొత్త పోస్టర్ విడుద‌ల

పవర్ స్టార్ పవన్ కల్యాణ్‌ హీరోగా జ్యోతికృష్ణ ద‌ర్శ‌క‌త్వంలో తెరకెక్కుతున్న కొత్త సినిమా 'హరిహర వీరమల్లు'. ప్ర‌స్తుతం చివరి దశ షూటింగ్ జరుపుకుంటున్న ఈ మూవీ కోసం ప‌వ‌న్‌ అభిమానులు ఆత్రుతగా ఎదురుచూస్తున్నారు. ఇక ఈ చిత్రం 2025 మార్చి 28న విడుదల చేస్తున్న‌ట్లు మేక‌ర్స్‌ ఇప్ప‌టికే ప్రకటించారు. 

అయితే మేకర్స్ సోమవారం సినిమా నుంచి ఓ కొత్త పోస్టర్ రిలీజ్ చేశారు. ఈ సినిమాలో విలన్ పాత్రలో నటిస్తున్న బాలీవుడ్ నటుడు బాబీ డియోల్ పుట్టినరోజు సందర్భంగా, ఆయనకు బర్త్‌డే విషెస్‌ తెలియజేస్తూ ఫస్ట్ లుక్ పోస్ట‌ర్‌ను రిలీజ్‌ చేశారు. పోస్ట‌ర్‌లో బాబీ చూడ‌గానే ఆక‌ట్టుకునేలా క‌త్తిప‌ట్టుకుని గంభీరంగా క‌నిపిస్తున్నారు. 

కాగా, ఈ చిత్రం నుంచి ఇటీవ‌లే ప‌వ‌ర్‌స్టార్‌ స్వ‌యంగా ఆల‌పించిన 'మాట వినాలి' అంటూ సాగే పాట‌ను విడుద‌ల చేశారు మేక‌ర్స్‌. ఆస్కార్ అవార్డు విజేత ఎంఎం కీర‌వాణి సంగీతం అందిస్తున్న ఈ మూవీలో ప‌వ‌న్ స‌ర‌స‌న క‌థానాయిక‌గా నిధి అగ‌ర్వాల్ న‌టిస్తున్నారు.