ఆగ్రాలో కుప్పకూలిన మిగ్-29 యుద్ధ విమానం

ఉత్తర ప్రదేశ్‌లోని ఆగ్రా సమీపంలో మిగ్-29 జెట్ ఫైటర్ విమానం కూలిపోయింది. ఈ మేరకు అధికారులను ఉటంకిస్తూ ఏఎన్ఐ మీడియా సంస్థ వెల్లడించింది. ఈ మిగ్-29 విమానం పంజాబ్‌లోని అదంపూర్ నుంచి ఆగ్రాకు వెళుతోంది. అయితే ఆగ్రా సమీపంలో ఈ విమానం పొలాల్లో కూలిపోయింది. విమానంలో మంటలు చెలరేగాయి. అయితే పైలట్ మాత్రం సురక్షితంగా బయటపడ్డాడు. పొలాల్లో పడిన విమానం నుంచి మంటలు వస్తుంటే స్థానికులు అక్కడ గుమికూడిన వీడియో నెట్టింట వైరల్‌గా మారింది.