కాంగ్రెస్ లోకి భారీగా చేరికలు ఉంటాయి: జగ్గారెడ్డి

కేంద్రంలో ఇప్పటి వరకు రెండు సార్లు ప్రభుత్వాన్ని ఏర్పాటు చేసిన బీజేపీ... మరోసారి జయకేతనం ఎగురవేసేందుకు సర్వశక్తులను ఒడ్డుతోంది. బీజేపీ ఎన్నికల వ్యూహాలు ప్రత్యర్థి పార్టీలకు సవాల్ విసిరేలా ఉంటున్నాయి. తాజాగా టీపీసీసీ వర్కింగ్ ప్రెసిడెంట్ జగ్గారెడ్డి ఈ అంశంపై మాట్లాడుతూ ఆసక్తికర వ్యాఖ్యలు చేశారు. 400కు పైగా సీట్లను గెలుస్తామని మోదీ చెపుతున్నాడని... అన్ని సీట్లను గెలిచి మోదీ చేసేదేముందని అన్నారు. తెలంగాణలో బీజేపీ, బీఆర్ఎస్ పార్టీల పని అయిపోయిందని... ఆ పార్టీల నేతలు కాంగ్రెస్ లో చేరుతామని తమపై ఒత్తిడి తీసుకొస్తున్నారని చెప్పారు. లోక్ సభ ఎన్నికల తర్వాత కాంగ్రెస్ లోకి భారీగా చేరికలు ఉంటాయని అన్నారు.