Loan App: మార్ఫింగ్ ఫొటోలతో యువతికి లోన్ యాప్ నిర్వాహకుల నుంచి వేధింపులు
గత కొన్నాళ్లుగా లోన్ యాప్ నిర్వాహకుల ఆగడాలు తరుచుగా వెలుగులోకి వస్తున్నాయి. తాజాగా, నెల్లూరు జిల్లాలో మార్ఫింగ్ ఫొటోలతో ఓ యువతికి లోన్ యాప్ నిర్వాహకుల నుంచి వేధింపులు ఎదురయ్యాయి.
క్యాండీ కాష్, ఈజీ మనీ యాప్ ల నుంచి ఆ యువతి రూ.3,700 రుణం తీసుకుంది. అయితే ఆ రుణాన్ని యువతి మూడ్రోజుల్లోనే చెల్లించింది. అయినప్పటికీ ఇంకా చెల్లించాలని లోన్ యాప్ ల నిర్వాహకుల నుంచి ఒత్తిళ్లు అధికమయ్యాయి. మార్ఫింగ్ ఫొటోలతో బెదిరించడం మొదలుపెట్టారు. ఈ నేపథ్యంలో, వేధింపులు తీవ్రం కావడంతో ఆ యువతి దిశ పోలీసులకు ఫిర్యాదు చేసింది.
దీనిపై కోవూరు పోలీస్ స్టేషన్ లో కేసు నమోదైంది. లోన్ యాప్ నిర్వాహకుల వేధింపుల పట్ల ధైర్యంగా ఉండాలని, తాము అండగా ఉంటామని దిశ పోలీసులు బాధిత యువతికి భరోసానిచ్చారు.
క్యాండీ కాష్, ఈజీ మనీ యాప్ ల నుంచి ఆ యువతి రూ.3,700 రుణం తీసుకుంది. అయితే ఆ రుణాన్ని యువతి మూడ్రోజుల్లోనే చెల్లించింది. అయినప్పటికీ ఇంకా చెల్లించాలని లోన్ యాప్ ల నిర్వాహకుల నుంచి ఒత్తిళ్లు అధికమయ్యాయి. మార్ఫింగ్ ఫొటోలతో బెదిరించడం మొదలుపెట్టారు. ఈ నేపథ్యంలో, వేధింపులు తీవ్రం కావడంతో ఆ యువతి దిశ పోలీసులకు ఫిర్యాదు చేసింది.
దీనిపై కోవూరు పోలీస్ స్టేషన్ లో కేసు నమోదైంది. లోన్ యాప్ నిర్వాహకుల వేధింపుల పట్ల ధైర్యంగా ఉండాలని, తాము అండగా ఉంటామని దిశ పోలీసులు బాధిత యువతికి భరోసానిచ్చారు.
