ఉత్తరప్రదేశ్ అర్బన్ లోకల్ బాడీ ఎన్నికల్లో బీజేపీ విజయ దుందుభి

ఉత్తరప్రదేశ్ పట్టణ స్థానిక సంస్థల ఎన్నికల్లో బీజేపీ ఘన విజయం సాధించింది. 17 మున్సిపల్ కార్పొరేషన్లతో పాటు నగర పాలిక పరిషత్ లు, నగర పంచాయతీలకు జరిగిన ఎన్నికల్లో బీజేపీ మంచి మెజార్టీ సాధించింది. 17 కార్పొరేషన్లకు గాను బీజేపీ 16 చోట్ల ముందంజలో ఉంది. మే 4, 11 తేదీల్లో యూపీ అర్బన్ లోకల్ బాడీ ఎన్నికలు జరిగాయి. అయోధ్య, లక్నో బాడీలు సహా పదిహేడు మేయర్, 1401 కార్పొరేటర్ స్థానాలకు ఎన్నికలు జరిగాయి. 

అర్బన్ లోకల్ బాడీ ఎన్నికల్లో బీజేపీ 16 చోట్ల ముందంజలో ఉంది. వారణాసిలో 16,000 ఓట్లు, లక్నోలో 1852 ఓట్ల ఆధిక్యంతో కొనసాగుతోంది. ఒక్క కాన్పూర్ మున్సిపల్ కార్పొరేషన్ లో మాత్రమే బీజేపీ, సమాజ్ వాది పార్టీ కంటే కాంగ్రెస్ ముందంజలో ఉంది. ఆగ్రాలో బీఎస్పీ 12799 ఓట్లతో అగ్రస్థానంలో ఉంది. మీరట్ లో మజ్లిస్ పార్టీ సత్తా చాటుతోంది. వారణాసిలో ఆమ్ ఆద్మీ పార్టీ ఘోరంగా దెబ్బతిన్నది.