టీడీపీ కేంద్ర కార్యాలయంలో ఘనంగా నారా బ్రాహ్మణి జన్మదిన వేడుకలు

టీడీపీ జాతీయ ప్రధాన కార్యదర్శి నారా లోకేశ్ అర్ధాంగి నారా బ్రాహ్మణి నేడు (డిసెంబరు 21) పుట్టినరోజు జరుపుకుంటున్నారు. ఈ నేపథ్యంలో, మంగళగిరిలోని టీడీపీ కేంద్ర కార్యాలయంలో నారా బ్రాహ్మణి జన్మదిన వేడుకలు ఘనంగా నిర్వహించారు. నేతలు కేక్ కట్ చేశారు.

ఈ కార్యక్రమంలో ఎమ్మెల్సీ పర్చూరి అశోక్ బాబు, టీడీపీ వాణిజ్య విభాగం అధ్యక్షుడు డూండి రాకేష్ , మీడియా కో ఆర్డినేటర్ నరేంద్ర బాబు, తెలుగు యువత అధ్యక్షుడు శ్రీరామ్ చినబాబు, టీఎన్ టీయూసీ అధ్యక్షుడు గొట్టిముక్కల రఘు, ఎన్ ఆర్ ఐ కోఆర్డినేటర్ రాజశేఖర్, క్రిష్టియన్ సెల్ అధ్యక్షుడు స్వామిదాస్ తదితరులు హాజరయ్యారు. 

ఈ సందర్భంగా టీడీపీ  నేతలు మాట్లాడుతూ... యువ మహిళా వ్యాపారవేత్తలకు బ్రాహ్మణి రోల్ మోడల్ గా నిలుస్తున్నారని కొనియాడారు. ఆమె వ్యాపారంతోపాటు సామాజిక సేవా కార్యక్రమాల్లో ఎప్పుడూ ముందుంటారని నేతలు అన్నారు.