RRR: భారతీయ సినీ చరిత్రలో 'ఆర్ఆర్ఆర్' సంచలన రికార్డు... తొలిరోజు వసూళ్లు సునామీనే!
ఇద్దరు హీరోలతో రాజమౌళి తెరకెక్కించిన ఆర్ఆర్ఆర్ చిత్రం ప్రపంచవ్యాప్తంగా సునామీ సృష్టిస్తోంది. రామ్ చరణ్, ఎన్టీఆర్ హీరోలుగా తెరకెక్కిన ఈ విజువల్ వండర్ బాక్సాఫీసును షేక్ చేస్తోంది. గత రికార్డులు బద్దలు కావడం ఖాయమని నిన్న మొదటి ఆటతోనే అర్థమైంది. తాజాగా సినీ ట్రేడ్ విశ్లేషకుడు తరణ్ ఆదర్శ్ వెల్లడించిన తొలిరోజు వసూళ్ల వివరాలు పరిశీలిస్తే ఆర్ఆర్ఆర్ స్టామినా ఏంటో స్పష్టమవుతుంది.
తరణ్ ఆదర్శ్ ట్వీట్ ప్రకారం.... ఆర్ఆర్ఆర్ చిత్రం బాహుబలి-2 ఓపెనింగ్ రికార్డును తిరగరాసింది. తద్వారా భారతీయ సినీ చరిత్రలో అత్యధికంగా ఓపెనింగ్స్ కొల్లగొట్టిన చిత్రంగా రికార్డు నమోదు చేసింది. ఆర్ఆర్ఆర్ చిత్రం వరల్డ్ వైడ్ తొలిరోజున రూ.223 కోట్ల గ్రాస్ వసూలు చేసింది. భారత్ లో అత్యధికంగా రూ.156 కోట్లు వసూలు చేసిన ఈ సినిమా, ఒక్క అమెరికాలోనే రూ.42 కోట్లు రాబట్టింది. అమెరికా కాకుండా ఆస్ట్రేలియా, ఇంగ్లండ్ వంటి ఇతర దేశాల్లోనూ మరో రూ.25 కోట్లు వసూలు చేయడం విశేషం.
భారత్ లో ఈ సినిమా ఓపెనింగ్స్ చూస్తే... ఏపీలో రూ.75 కోట్లు, నైజామ్ లో రూ.27.5 కోట్లు, ఉత్తరాది రాష్ట్రాల్లో రూ.25 కోట్లు, కర్ణాటకలో రూ.14.5 కోట్లు, తమిళనాడులో రూ.10 కోట్లు, కేరళలో రూ.4 కోట్లు వసూలు చేసింది.
తరణ్ ఆదర్శ్ ట్వీట్ ప్రకారం.... ఆర్ఆర్ఆర్ చిత్రం బాహుబలి-2 ఓపెనింగ్ రికార్డును తిరగరాసింది. తద్వారా భారతీయ సినీ చరిత్రలో అత్యధికంగా ఓపెనింగ్స్ కొల్లగొట్టిన చిత్రంగా రికార్డు నమోదు చేసింది. ఆర్ఆర్ఆర్ చిత్రం వరల్డ్ వైడ్ తొలిరోజున రూ.223 కోట్ల గ్రాస్ వసూలు చేసింది. భారత్ లో అత్యధికంగా రూ.156 కోట్లు వసూలు చేసిన ఈ సినిమా, ఒక్క అమెరికాలోనే రూ.42 కోట్లు రాబట్టింది. అమెరికా కాకుండా ఆస్ట్రేలియా, ఇంగ్లండ్ వంటి ఇతర దేశాల్లోనూ మరో రూ.25 కోట్లు వసూలు చేయడం విశేషం.
భారత్ లో ఈ సినిమా ఓపెనింగ్స్ చూస్తే... ఏపీలో రూ.75 కోట్లు, నైజామ్ లో రూ.27.5 కోట్లు, ఉత్తరాది రాష్ట్రాల్లో రూ.25 కోట్లు, కర్ణాటకలో రూ.14.5 కోట్లు, తమిళనాడులో రూ.10 కోట్లు, కేరళలో రూ.4 కోట్లు వసూలు చేసింది.
