మ‌హేశ్ బాబుతో సితార ఫైటింగ్‌.. క్యూట్ ఫొటోలు వైర‌ల్.. 'అయ్య‌య్యో వ‌ద్ద‌మ్మా' అంటోన్న ఫ్యాన్స్

సూపర్‌స్టార్‌ మహేశ్‌ బాబు కూతురు సితారకు సంబంధించిన రెండు ఫొటోలు ఆయన అభిమానులను అలరిస్తున్నాయి. ఈ ఫొటోల‌ను సితార‌ తన ఇన్‌స్టాగ్రామ్‌ ఖాతాలో పోస్ట్ చేసింది. ఇందులో సితార త‌న తండ్రి మ‌హేశ్ బాబుతో ఫైటింగ్ చేస్తోంది. త‌న తండ్రిని కింద ప‌డేస్తూ ఆయ‌నను పైకి లేవ‌నివ్వ‌కుండా చేస్తోంది.

''ఆదివారం సెల‌వు రోజును నాన్న‌ శాంతియుతంగా గ‌డ‌ప‌కుండా దాన్ని చెడ‌గొట్టే మిష‌న్‌లో పాల్గొంటూ బిజీగా ఉన్నాను'' అంటూ సితార కామెంట్ చేసింది. 'అయ్య‌య్యో వ‌ద్ద‌మ్మా' అంటూ మ‌హేశ్ బాబు అభిమానులు కూడా ఫ‌న్నీగా కామెంట్లు చేస్తున్నారు. కాగా, మ‌హేశ్ బాబు న‌టించిన 'స‌ర్కారు వారి పాట' సినిమా విడుద‌ల‌కు సిద్ధ‌మ‌వుతున్న విష‌యం తెలిసిందే.