గాయని సునీత ప్రీ వెడ్డింగ్ పార్టీని స్వయంగా నిర్వహించిన హీరో నితిన్!

ఇటీవల 'మ్యాంగో' రామ్ తో నిశ్చితార్థం చేసుకున్న గాయని సునీత ప్రీ వెడ్డింగ్ పార్టీ హైదరాబాద్, గచ్చిబౌలీలోని ఓ స్టార్ హోటల్ లో పలువురు సెలబ్రిటీలు, గాయనీ గాయకుల మధ్య వైభవంగా సాగింది. ఈ పార్టీని రామ్ కు అత్యంత సన్నిహితుడైన హీరో నితిన్ స్వయంగా ఏర్పాటు చేసినట్టు తెలుస్తోంది. ఈ నెలలో జరగాల్సిన వీరిద్దరి వివాహం వాయిదా పడగా, పెళ్లికి ఇంకా సమయం ఉండటంతో, నితిన్ ఈ పార్టీని హోస్ట్ చేశాడు.

ఇక, శనివారం రాత్రి ఈ పార్టీ జరుగగా, ఇందులో పాల్గొన్న సునీత, రామ్ జంట, కేక్ ను కట్ చేసి ఆనందంగా తినిపించుకుంటున్న చిత్రాలు ఇప్పుడు సోషల్ మీడియాలో వైరల్ అవుతున్నాయి. రేణు దేశాయ్, సుమ కనకాల వంటి వారు హాజరై, కాబోయే దంపతులకు శుభాభినందనలు తెలిపారు.