మహిళతో అసభ్యంగా ప్రవర్తించిన స్పెషల్ బ్రాంచ్ సీఐపై వేటు
- సీపీ అంజనీకుమార్కు ఫిర్యాదు చేసిన మహిళ
- ఇలాంటి ఘటనలు సహించబోమన్న సీపీ
- ఎవరైనా వేధిస్తే 94906 16555 వాట్సాప్ నంబరుకు ఫిర్యాదు చేయాలని సూచన
మహిళతో అసభ్యంగా ప్రవర్తించిన సీఐను హైదరాబాద్ పోలీస్ కమిషనర్ అంజనీకుమార్ సస్పెండ్ చేశారు. స్పెషల్ బ్రాంచ్లో ఇన్స్పెక్టర్గా పనిచేస్తున్న కె.చందర్ కుమార్ ఓ మహిళతో అసభ్యంగా ప్రవర్తించారు. దీంతో ఆమె కమిషనర్ అంజనీకుమార్కు ఫిర్యాదు చేసింది. దీనిని తీవ్రంగా పరిగణించిన ఆయన చందన్కుమార్ను సస్పెండ్ చేస్తూ ఆదేశాలు జారీ చేశారు. ఈ సందర్భంగా అంజనీకుమార్ మాట్లాడుతూ.. పోలీసు శాఖలో ఇలాంటి ఘటనలను సహించబోమన్నారు. ఎవరైనా వేధింపులకు పాల్పడితే 94906 16555 వాట్సాప్ నంబరుకు మెసేజ్ చేయాలని సూచించారు.
