యానాం ప్రాంతంలో టోర్నడో... నింగికి ఎగిసిన జలధార... వీడియో ఇదిగో!

అమెరికాలో నిత్యం ఎక్కడో ఓ చోట టోర్నడోలు సుడులు తిరుగుతూ విధ్వంసం సృష్టిస్తుంటాయి. ఆ స్థాయిలో కాకపోయినా భారత్ లో ఇటీవల టోర్నడోలు ఏర్పడుతూ కనువిందు చేస్తున్నాయి. తాజాగా, యానాం ప్రాంతంలో టోర్నడో దృశ్యం దర్శనమిచ్చింది. ఇక్కడి అయ్యనార్ నగర్ లో ఉన్న ఓ రొయ్యల చెరువులోని నీరు అకస్మాత్తుగా ఆకాశానికి ఎగిసింది. వేగంగా సుడులు తిరుగుతూ మేఘాల్లోకి నీరు వెళ్లడాన్ని స్థానికులు విస్మయంతో తిలకించారు. ఈ ప్రాంతంలో టోర్నడోలు గతంలో ఎప్పుడూ ఏర్పడకపోవడంతో చాలామంది తమ మొబైల్ ఫోన్లలో రికార్డు చేశారు.