'పుష్ప'లో నా పాత్ర ఎప్పటికీ గుర్తుండిపోతుంది: రష్మిక

సుకుమార్ - అల్లు అర్జున్ కాంబినేషన్లో 'పుష్ప' సినిమా రూపొందుతోంది. ఎర్రచందనం దుంగల అక్రమ రవాణా నేపథ్యంలో ఈ కథ నడుస్తుంది. ఈ సినిమాలో కలప అక్రమ రవాణా చేసే లారీ డ్రైవర్ గా అల్లు అర్జున్ కనిపించనున్నాడు. అడవి నేపథ్యంలో ఆద్యంతం ఆసక్తికరంగా సాగే ఈ సినిమాలో కథానాయికగా రష్మిక నటిస్తోంది. లాక్ డౌన్ తరువాత ఈ సినిమా రెగ్యులర్ షూటింగుకి వెళ్లనుంది.

తాజాగా ఈ సినిమాను గురించి రష్మిక మాట్లాడుతూ .. 'పుష్ప' సినిమాలో నా పాత్ర చాలా భిన్నంగా ఉంటుంది .. ప్రతి ఒక్కరికీ కనెక్ట్ అవుతుంది. ఈ పాత్రలో నేను చాలా కొత్తగా కనిపిస్తాను. నటన పరంగా నాలోని మరో కోణాన్ని ఆవిష్కరించే విధంగా ఈ పాత్ర ఉంటుంది. ఇంత త్వరగా ఇంతటి వైవిధ్యభరితమైన పాత్రను చేస్తానని నేను అసలు ఊహించలేదు. నా కెరియర్లో చెప్పుకోదగిన పాత్రగా నిలిచిపోతుందని చెప్పడంలో ఎలాంటి అతిశయోక్తి లేదు" అని చెప్పుకొచ్చింది.