'దియా' రీమేక్ విషయంలో సమంత పట్టుదల!

 కన్నడలో హిట్టయిన 'దియా' సినిమా తెలుగు రీమేక్ లో సమంత నటించనున్నట్టు వార్తలు వస్తున్నాయి. కన్నడలో ఈ ఏడాది ఫిబ్రవరిలో వచ్చిన ఈ సినిమా అక్కడ భారీ విజయాన్ని సొంతం చేసుకుంది. దాంతో తెలుగులో రీమేక్ చేయడానికి సన్నాహాలు జరుగుతున్నాయి.

ఇక సమంత తన సొంత బ్యానర్లో ఈ సినిమా చేయాలనే ఆలోచనలో ఉన్నట్టుగా చెప్పుకుంటున్నారు. ఈ సినిమాలో సమంత పోషించాలనుకుంటున్న పాత్ర, ఆమెకి ఎంత మాత్రం సరిపోదనే అభిప్రాయాలను సన్నిహితులు వ్యక్తం చేస్తున్నారట. అయినా వినిపించుకోకుండా సమంత తాను అనుకున్నది చేసుకుంటూ వెళుతోందట. ప్రస్తుతం స్క్రిప్ట్ కి సంబంధించిన చర్చల్లో ఆమె బిజీగా ఉందని అంటున్నారు.