Andhra Pradesh: ఏపీలో ప్రమాద ఘంటికలు... యువతపై కరోనా పంజా!
- ఏపీలో పెరుగుతున్న పాజిటివ్ కేసులు
- 329కి చేరుకున్న పాజిటివ్ కేసుల సంఖ్య
- 21 నుంచి 40 మధ్య వయసు వారే అధికం
ఏపీలో కరోనా కేసులు రోజురోజుకు పెరుగుతున్నాయి. ఇప్పటి వరకు పాజిటివ్ కేసుల సంఖ్య 329కి చేరింది. కొత్తగా నెల్లూరు జిల్లాలో 6, కృష్ణా జిల్లాలో 6, చిత్తూరు జిల్లాలో 3 కేసులు నమోదయ్యాయి. 74 కేసులతో కర్నూలు జిల్లా అగ్రస్థానంలో ఉంది. 49 కేసులతో నెల్లూరు, 41 కేసులతో గుంటూరు తదుపరి స్థానాల్లో ఉన్నాయి. మరోవైపు ఈ మహమ్మారి బారిన పడిన వారిలో అత్యధికులు 40 ఏళ్ల కంటే తక్కువ వయసువారే కావడం ఆందోళన కలిగిస్తోంది.
వయసును బట్టి బాధితుల సంఖ్య ఇదే:
0-20 ఏజ్ గ్రూప్ - 8 శాతం
21-40 ఏజ్ గ్రూప్ - 48 శాతం
41-60 ఏజ్ గ్రూప్ - 36 శాతం
60 కంటే ఎక్కువ వయసు - 8 శాతం.
