తెలంగాణ ఉద్యమానికి నైతిక మద్దతు ఇచ్చిన పొత్తూరి: కేసీఆర్‌

ప్రముఖ పాత్రికేయుడు, ఉమ్మడి ఏపీ ప్రెస్‌ అకాడమీ మాజీ చైర్మన్‌ పొత్తూరి వెంకటేశ్వరరావు తెలంగాణ ఉద్యమానికి నైతిక మద్దతు ఇచ్చి ఎంతో సహకరించారని ముఖ్యమంత్రి కేసీఆర్‌ గుర్తుచేసుకున్నారు. ఈరోజు ఉదయం హైదరాబాద్‌ విజయ్‌నగర్‌ కాలనీలో పొత్తూరి కన్నుమూసిన విషయం తెలిసిందే. ఈ సందర్భంగా ఆయన కుటుంబ సభ్యులకు తన ప్రగాఢ సానుభూతి తెలిపిన కేసీఆర్‌ ఉద్యమం నాటి విషయాలు జ్ఞప్తికి తెచ్చుకున్నారు. పత్రిక, సేవా రంగాల్లో పొత్తూరి సేవలు చిరస్మరణీయమని, ఓ మంచి పాత్రికేయుడిని కోల్పోయామని అన్నారు.