మరోసారి మ్యాజిక్ చేస్తాం: పవన్ తో మళ్లీ చిత్రం చేయడంపై హరీశ్ సంబరం

పవన్ కల్యాణ్ హీరోగా, హరీశ్ శంకర్ దర్శకత్వంలో ఎనిమిదేళ్ల కిందట వచ్చిన గబ్బర్ సింగ్ చిత్రం టాలీవుడ్ బాక్సాఫీసును షేక్ చేసింది. ఇప్పుడదే కాంబినేషన్ మళ్లీ రిపీటవుతోంది. పవన్, హరీశ్ ల కలయికలో ఓ సినిమా తీస్తున్నట్టు మైత్రీ మూవీ మేకర్స్ నిర్మాణ సంస్థ అధికారికంగా ప్రకటించింది. దీనిపై దర్శకుడు హరీశ్ శంకర్ స్పందిస్తూ, మరోసారి పవన్ తో సినిమా చేస్తున్నానని తెలిపాడు. గబ్బర్ సింగ్ ను మించేలా చిత్రం చేస్తామని, ఆ మ్యాజిక్ ను రిపీట్ చేసేందుకు మీ అందరి ఆశీస్సులు కావాలని ట్వీట్ చేశాడు. పవన్ కల్యాణ్ 28వ చిత్రంగా తెరకెక్కబోయే ఈ క్రేజీ సినిమాకు సంబంధించిన వివరాలు త్వరలోనే వెల్లడించనున్నారు.