అమెరికా క్రీడా చరిత్రలోనే అత్యంత విషాదం: ట్రంప్

వరల్డ్ బాస్కెట్ బాల్ స్టార్, ఎన్బీఏ లెజండ్ కోబ్ బ్రియాంట్ మృతిపట్ల పలువురు ప్రముఖులు దిగ్భ్రాంతిని వ్యక్తం చేస్తున్నారు. లాస్ ఏంజిల్స్ శివారులో జరిగిన హెలికాప్టర్ ప్రమాదంలో బ్రియాంట్, ఆయన 13 ఏళ్ల కూతురు గియానా సహా 9 మంది దుర్మరణం పాలైన సంగతి తెలిసిందే. యూఎస్ ఓ దిగ్గజ ఆటగాడిని కోల్పోయిందని ట్రంప్ విచారం వ్యక్తం చేశారు. దేశంలో బాస్కెట్ బాల్ విస్తరణ, అభివృద్ధికి బ్రియాంట్ ఎంతో కృషి చేశారని గుర్తు చేసుకున్న ట్రంప్, ఈ దుర్ఘటన అమెరికా క్రీడా చరిత్రలోనే అత్యంత విషాదకరమైనదని అన్నారు.