కుమారుడు, కోడలు పట్టించుకోవట్లేదని వృద్ధ దంపతుల ఆత్మహత్య

ఆ దంపతులకు ఓ కుమారుడు, ఇద్దరు కూతుళ్లు ఉన్నారు.. అందరికీ పెళ్లిళ్లు చేశారు. కుమారుడు, కోడలు వద్ద ఉంటున్నారు. అయితే, వారిని కుమారుడు, కోడలు కొంత కాలంగా పట్టించుకోవట్లేదు. దీంతో పురుగుల మందుతాగి ఆత్మహత్య చేసుకున్నారు. జయశంకర్ భూపాలపల్లి జిల్లా చిట్యాలలో ఈ విషాద ఘటన చోటు చేసుకుంది.

ఈ ఘటనపై సమాచారం అందుకున్న పోలీసులు వృద్ధ దంపతుల మృతదేహాలను స్వాధీనం చేసుకుని పోస్టు మార్టం నిమిత్తం ఆసుపత్రికి తరలించారు. పురుగుల మందుతాగి ఆత్మహత్య చేసుకున్న వృద్ధ దంపతుల పేర్లు చెలిమల్ల రాజయ్య, లక్ష్మి అని తెలిపారు. ఈ ఘటనపై తదుపరి దర్యాప్తు జరుపుతున్నారు.