విక్రమ్ ఆశలన్నీ ఆ సినిమా పైనేనట

తమిళ సీనియర్ స్టార్ హీరోలలో విక్రమ్ ఒకరుగా కనిపిస్తారు. మొదటి నుంచి కూడా ఆయన విభిన్నమైన కథలకు ..  విలక్షణమైన పాత్రలకు ప్రాధాన్యతనిస్తూ వచ్చాడు. ఆయన తాజా చిత్రంగా 'కోబ్రా' రూపొందుతోంది. అజయ్ జ్ఞానముత్తు దర్శకత్వం వహిస్తున్న ఈ సినిమాకి, రీసెంట్ గా టైటిల్ ను ఖరారు చేసి పోస్టర్ వదిలారు.

టైటిల్ .. దానిని డిజైన్ చేసిన తీరుకి మంచి మార్కులు పడ్డాయి. లలిత్ కుమార్ నిర్మిస్తున్న ఈ సినిమాపై విక్రమ్ అభిమానుల్లో అంచనాలు వున్నాయి. ఈ సినిమాలోనూ ఆయన కొత్తగా కనిపించనున్నాడని అంటున్నారు. ఈ మధ్య కాలంలో విక్రమ్ కి చెప్పుకోదగిన హిట్ పడలేదు. సీనియర్స్ స్టార్ హీరోల రేసులో ఆయన చాలా వెనుకబడిపోయాడు. అయితే ఈ సినిమాతో తనకి తప్పకుండా భారీ హిట్ పడుతుందనే ఆశాభావంతో విక్రమ్ వున్నాడు. ఆయన నమ్మకాన్ని ఈ సినిమా ఎంతవరకూ నిలబెడుతుందో చూడాలి.