USA: అమెరికాలో తెలుగు టెక్కీ బలవన్మరణం

అమెరికాలో ఓ తెలుగు యువకుడు ఆత్మహత్యకు పాల్పడ్డాడు. చిత్తూరు జిల్లాకు చెందిన గుమ్మడికాయల ద్వారకానాథ్ రెడ్డి గురువారం మధ్యాహ్నం బలవన్మరణం చెందాడు. ద్వారకానాథ్ రెడ్డికి భార్య, ఇద్దరు పిల్లలు ఉన్నారు. ఆర్థిక సమస్యలు కానీ, వివాదాలు కానీ లేని ఈ యువకుడి ఆత్మహత్య మిస్టరీగా మారింది. ఎలాంటి ఇబ్బందులు లేకుండా ఎందుకు ఆత్మహత్య చేసుకున్నాడో అర్థం కావడంలేదని బంధువులంటున్నారు. ద్వారకానాథ్ రెడ్డి అమెరికాలో అమెజాన్ సంస్థలో ఐటీ నిపుణుడిగా పనిచేస్తున్నాడు. అతడి స్వస్థలం చిత్తూరు జిల్లా కురబలకోట మండలం మట్లివారిపల్లె.