మహారాష్ట్రకు కాబోయే ముఖ్యమంత్రి అంటూ వస్తున్న వార్తలపై గడ్కరీ స్పందన

ముఖ్యమంత్రి పదవి విషయంలో బీజేపీ-శివసేనల మధ్య నెలకొన్న పత్రిష్టంభన కొనసాగుతూనే ఉంది. మరోవైపు, మహారాష్ట్రకు కాబోయే ముఖ్యమంత్రి అంటూ కేంద్ర మంత్రి నితిన్ గడ్కరీ పేరు తెరపైకి వచ్చింది. ఈ నేపథ్యంలో, ఇదే అంశంపై గడ్కరీని మీడియా ప్రశ్నించగా... మహారాష్ట్రకు తాను వచ్చే ప్రసక్తే లేదని... ఢిల్లీలోనే తన విధులను నిర్వహిస్తానని స్పష్టం చేశారు.

బీజేపీ నేతృత్వంలో, దేవేందర్ ఫడ్నవిస్ ముఖ్యమంత్రిగా మహారాష్ట్రలో సుస్థిర ప్రభుత్వం ఏర్పడుతుందని తెలిపారు. ఈ అంశంతో ఆరెస్సెస్ కు కానీ, ఆరెస్సెస్ అధినేత మోహన్ భగవత్ కు కానీ ఎలాంటి సంబంధం లేదని చెప్పారు. శినసేన మద్దతు తమకు ఉంటుందని, వారితో చర్చలు కొనసాగుతున్నాయని తెలిపారు. మరోవైపు, కాసేపట్లో మోహన్ భగవత్ తో గడ్కరీ సమావేశం కానున్నారు.