సినిమా కబుర్లు.. సంక్షిప్త సమాచారం

*  అందాల నాయిక రకుల్ ప్రీత్ సింగ్ తాజాగా ఓ రీమిక్స్ పాటతో అదరగొడుతోంది. మిలాప్ జవేరి దర్శకత్వంలో ప్రస్తుతం ఆమె 'మార్జావాన్' అనే హిందీ చిత్రంలో నటిస్తోంది. ఇందులో నాటి హిట్ సాంగ్ 'హయ్యా .. హో'ను ఆమెపై రీమిక్స్ చేశారు. ఈ పాటలో ఆమె అందచందాలు, డ్యాన్సులు అందర్నీ ఆకట్టుకుంటున్నాయి. ఈ పాట కోసం రకుల్ చాలా కష్టపడిందని దర్శకుడు కితాబునిస్తున్నాడు.

*  సూపర్ స్టార్ మహేశ్ బాబు సినిమాల ద్వారానే కాకుండా వాణిజ్య ప్రకటనలలో నటించడం ద్వారా కూడా భారీగానే సంపాదిస్తున్నాడు. ఈ క్రమంలో ఈమధ్య తన కుటుంబ సభ్యులతో కలసి ఓ నిర్మాణ రంగ వాణిజ్య ప్రకటనలో నటించాడు. ఇందుకు గాను వీరికి ఐదు కోట్ల పారితోషికం ముట్టినట్టు ప్రచారం జరుగుతోంది.

*  ఎన్టీఆర్, చరణ్ కలసి నటిస్తున్న 'ఆర్.ఆర్.ఆర్' చిత్రం షూటింగ్ రామోజీ ఫిలిం సిటీలో స్పెషల్ సెట్స్ లో జోరుగా సాగుతోంది. ప్రస్తుతం ఎన్టీఆర్, చరణ్ లపై కొన్ని సన్నివేశాలను దర్శకుడు రాజమౌళి చిత్రీకరిస్తున్నారు.