రసూల్ పురా ‘మెట్రో’ పైకప్పు పెచ్చులూడాయి!
- ఇక్కడా అమీర్ పేట ‘మెట్రో’ పైకప్పు పరిస్థితే
- భయాందోళనలకు గురవుతున్న ప్రయాణికులు
- మెట్రో అధికారులు తక్షణం చర్యలు చేపట్టాలని డిమాండ్
అమీర్ పేట మెట్రో రైల్వేస్టేషన్ ఆవరణలో పైకప్పు పెచ్చులూడిన ఘటనలో యువ సాఫ్ట్ వేర్ ఇంజనీర్ నిన్న మృతి చెందిన విషయం తెలిసిందే. ఈ ఘటన మరువకముందే మరో మెట్రో స్టేషన్ పైకప్పు పరిస్థితి ఇదేమాదిరి ఉంది. రసూల్ పురా మెట్రోస్టేషన్ పైకప్పు పెచ్చులూడే దశలో ఉంది. దీంతో, ప్రయాణికులు భయాందోళనలకు గురవుతున్నారు. దీనిపై మెట్రో అధికారులు స్పందించి తక్షణం చర్యలు చేపట్టాలని డిమాండ్ చేస్తున్నారు.
