‘సాహో’ ప్రీ-రిలీజ్ వేడుక.. ప్రభాస్ భారీ కటౌట్ ఏర్పాటు!

ఈ నెల 30న ‘సాహో’ ప్రపంచవ్యాప్తంగా విడుదల కానుంది. ప్రభాస్, శ్రద్ధాకపూర్ జంటగా నటించిన ఈ భారీ బడ్జెట్ చిత్రం ప్రీ-రిలీజ్ వేడుక నేటి సాయంత్రం రామోజీ ఫిల్మ్ సిటీలో ప్రారంభం కానుంది. ఈ సందర్భంగా భారీ ఏర్పాట్లు చేశారు. ‘సాహో’ లోని ఓ స్టిల్ తో ప్రభాస్ భారీ కటౌట్ ను రూపొందించారు. అరవై అడుగుల ఎత్తు ఉన్న ఈ కటౌట్ ఆకట్టుకుంటోంది. ప్రీ-రిలీజ్ వేడుక నిమిత్తం భారీ  ఏర్పాట్లు పూర్తయ్యాయి.

ఇందుకు సంబంధించిన ఫొటోలు సామాజిక మాధ్యమాల్లో దర్శనమిస్తున్నాయి. కాగా, భారీ ఎల్ ఈడీ స్క్రీన్లను ఏర్పాటు చేశారు. ‘సాహో’ చిత్రంలో వినియోగించిన కార్లు, బైక్స్, ఇతర వాహనాలను వీక్షించే అవకాశం కల్పించారు.