ఫొటో తీయబోయిన అమ్మాయిని తొండంతో చాచిపెట్టి కొట్టిన ఏనుగు

ఆఫ్రికా దేశం జాంబియాలో ఓ విచిత్ర ఘటన జరిగింది. తనను ఫొటో తీస్తున్న అమ్మాయిపై ఏనుగు ఆగ్రహించింది. తొండంతో బలంగా కొట్టింది. పెన్సిల్వేనియాకు చెందిన ఓ విద్యార్థి బృందం జాంబియాలో పర్యటిస్తూ ఓ జూకి వెళ్లింది. విద్యార్థులందరూ అక్కడున్న ఓ ఏనుగుతో కరచాలనం చేస్తూ ఆస్వాదిస్తున్నారు. వారిలో ఓ అమ్మాయి తన సెల్ ఫోన్ తో ఆ ఏనుగును ఫొటో తీసేందుకు ప్రయత్నించింది. దాంతో ఆ ఏనుగు కోపంతో ఒక్కటిచ్చుకుంది. ఎవరూ ఊహించని విధంగా తొండంతో చాచిపెట్టి కొట్టింది. ఆ ఊపుకు  ఫొటో తీస్తున్న అమ్మాయి వెనక్కిపడిపోయింది. సెల్ ఫోన్ కిందపడిపోగా, దాన్నందుకునేందుకు ఏనుగు ప్రయత్నించడం అక్కడివాళ్లను ఆశ్చర్యానికి గురిచేసింది. దీనికి సంబంధించిన వీడియో సామాజిక మాధ్యమాల్లో విపరీతంగా సందడి చేస్తోంది.