జగన్ ఏ బాధ్యతలు అప్పగించినా నిర్వహిస్తా: కొడాలి నాని
- మంత్రిగా ప్రమాణ స్వీకారం చేయనున్న కొడాలి
- జగన్ సీఎం కావాలన్న మా లక్ష్యం నెరవేరింది
- ఏపీ ప్రజలకు ఇకపై అంతా మంచే జరుగుతుంది
జగన్ తనపై ఉంచిన నమ్మకాన్ని నిలబెడతానని కొత్త మంత్రిగా ప్రమాణ స్వీకారం చేయనున్న గుడివాడ ఎమ్మెల్యే కొడాలి నాని అన్నారు. ప్రమాణ స్వీకారం చేసేందుకు సచివాలయానికి వచ్చిన కొడాలి నానిని ఈ సందర్భంగా మీడియా పలకరించింది. జగన్ ఏ బాధ్యతలు తనకు అప్పగించినా నిర్వహిస్తానని చెప్పిన కొడాలి, తనకు మంత్రి పదవులు ముఖ్యం కాదని వ్యాఖ్యానించడం గమనార్హం. వైఎస్ జగన్ సీఎం కావాలన్న తమ లక్ష్యం నెరవేరిందని సంతోషం వ్యక్తం చేశారు. ఏపీ ప్రజలకు ఇకపై అంతా మంచే జరుగుతుందని అన్నారు.