సినిమా కబుర్లు.. సంక్షిప్త సమాచారం

*  ఇంతకుముందు తెలుగులో పలు చిత్రాలలో నటించిన కన్నడ భామ కృతి కర్బంద గత కొన్నాళ్లుగా బాలీవుడ్ చిత్రాలు చేస్తోంది. ఈ క్రమంలో తాజాగా ఇమ్రాన్ హష్మితో మరో చిత్రాన్ని చేయడానికి అంగీకరించింది. గతంలో వీరిద్దరూ కలసి 'రాజ్ రీబూట్' చిత్రంలో నటించారు.
*  ఇటీవల మల్టీస్టారర్ చిత్రాలు చేస్తున్న సీనియర్ నటుడు వెంకటేశ్ మరోసారి అలాంటి ప్రయత్నమే చేస్తున్నారు. నారా రోహిత్ తో కలసి ఓ చిత్రంలో నటించనున్నారు. తమిళంలో హిట్టయిన 'విక్రం వేద' చిత్రం ఆధారంగా ఇది రూపొందుతుంది. వీవీ వినాయక్ దీనికి దర్శకత్వం వహిస్తాడు.
*  ప్రస్తుతం తమిళంలో 'మహా' అనే హీరోయిన్ ప్రధాన కథా చిత్రంలో నటిస్తున్న అందాలతార హన్సిక, తాజాగా మరో హీరోయిన్ ఓరియెంటెడ్ చిత్రాన్ని అంగీకరించింది. 'జాక్ పాట్' ఫేం కల్యాణ్ దీనికి దర్శకత్వం వహిస్తాడు.