సినిమా కబుర్లు.. సంక్షిప్త సమాచారం

*  యాక్షన్ హీరో గోపీచంద్ తో కలసి కాజల్ అగర్వాల్ తొలిసారిగా నటించనుంది. నూతన దర్శకుడు బీను సుబ్రహ్మణ్యం దర్శకత్వంలో గోపీచంద్ ఓ చిత్రాన్ని చేయడానికి అంగీకరించాడు. బీవీఎస్ఎన్ ప్రసాద్ నిర్మించే ఈ చిత్రంలో కథానాయికగా కాజల్ ను తీసుకుంటున్నారట.
*  అక్కినేని నాగార్జున హీరోగా రాహుల్ రవీంద్రన్ దర్శకత్వంలో రూపొందుతున్న 'మన్మథుడు 2' చిత్రం రెండో షెడ్యూల్ ఈ నెల 11 నుంచి పోర్చుగల్ లో జరుగుతుంది. రెండు వారాల పాటు జరిగే ఈ షెడ్యూల్ లో అక్కడ ముఖ్య సన్నివేశాలను చిత్రీకరిస్తారు. ఇందులో రకుల్ ప్రీత్ సింగ్ కథానాయికగా నటిస్తోంది.
*  ప్రభాస్ నటించిన 'బాహుబలి' చిత్రానికి జపాన్ లో మంచి ఆదరణ లభించడంతో ఇప్పుడు 'సాహో' చిత్రాన్ని కూడా అక్కడ డబ్ చేసి విడుదల చేయడానికి ఏర్పాట్లు చేస్తున్నారు. ఇప్పటికే అక్కడి డిస్ట్రిబ్యూషన్ హక్కులు అమ్ముడుపోయినట్టు సమాచారం.