సినిమా కబుర్లు.. సంక్షిప్త సమాచారం

*   ప్రస్తుతం హిందీలో సినిమాలు చేస్తున్న కథానాయిక తాప్సీ తాజాగా మరో చిత్రానికి ఓకే చెప్పింది. అనురాగ్ కశ్యప్ దర్శకత్వంలో ఈ చిత్రం రూపొందుతుంది. అతీంద్రియ శక్తుల కథాంశంతో థ్రిల్లర్ గా ఇది రూపొందుతుందట.
*  మహేశ్ బాబు హీరోగా నటిస్తున్న 'మహర్షి' చిత్రానికి సంబంధించిన రెండు పాటల చిత్రీకరణ ఈ నెల మూడో వారం నుంచి దుబాయ్ లో జరుగుతుంది. ప్రస్తుతం హైదరాబాదులో షూటింగ్ జరుగుతోంది. పూజా హెగ్డే ఇందులో కథానాయికగా నటిస్తోంది.
*  తమిళ చిత్ర కథానాయకుడు విజయ్ తన తదుపరి చిత్రాన్ని జయం రాజా దర్శకత్వంలో చేయనున్నాడు. దీనికి సంబంధించిన స్క్రిప్ట్ పని ప్రస్తుతం జరుగుతోంది. ఇదిలా ఉంచితే, ప్రస్తుతం విజయ్ తన 63వ చిత్రాన్ని అట్లీ కుమార్ దర్శకత్వంలో చేస్తున్నాడు.