బైకును ఢీకొన్న హార్దిక్ పటేల్ కారు.. పోలీసులతో వాగ్వాదం

పటిదార్ ఉద్యమ నేత హార్దిక్ పటేల్ ప్రయాణిస్తున్న కారు ప్రమాదానికి గురైంది. రాజ్ కోట్-చోటిలా జాతీయ రహదారిపై ప్రయాణిస్తున్న కారు ఓ బైకును ఢీకొంది. ఈ ప్రమాదంలో బైకర్ స్వల్పంగా గాయపడ్డాడు. హార్దిక్ కారు ముందు భాగం కొంత దెబ్బతింది. ప్రమాద సమయంలో కారులో హార్దిక్ తో పాటు ఆయన సహచరులు కూడా ఉన్నారు. ఈ ఘటనపై రాజ్ కోట్ పోలీసులు కేసు నమోదు చేశారు. ఈ సందర్భంగా పోలీసులతో హార్దిక్, ఆయన సహచరులు వాగ్వాదానికి దిగారు. అనంతరం వేరే కారులో హార్దిక్ పటేల్ అహ్మదాబాద్ వెళ్లి పోయారు. మరోవైపు, ఈనెల 12న కాంగ్రెస్ పార్టీలో చేరుతున్నట్టు హార్దిక్ పటేల్ నిన్న ప్రకటించారు.